Jagame Thandhiram (ஜகமே தந்திரம்) To Exclusively Release on

 Jagame Thandhiram (ஜகமே தந்திரம்) To Exclusively Release on Netflix

தமிழின் மிகவும்  எதிர்பார்ப்புகுரிய படமான  “ஜகமே தந்திரம்” படத்தை Netflix நிறுவனம் தங்களது தளத்தில்  பிரத்யேகமாக வெளியிடுகிறது. “ஜகமே தந்திரம்” படம் சுருளி எனும் கேங்க்ஸ்டர் தனது வாழ்வில், தனது இருப்பிடத்தை அடைய நன்மைக்கும் தீமைக்குமான போரில் எதை தேர்ந்தெடுக்கிறான் என்பதை சொல்லும் படமாகும். இத்திரைப்படத்தை YNot Studios மற்றும் Reliance Entertainment நிறுவனம் இணைந்து தயாரித்துள்ளது. “ஜகமே தந்திரம்” 2021 ல் வெளியாகும் மிகப்பெரும் எதிர்பார்க்க குரிய முதல் திரைப்படம் ஆகும். இப்படம் ஒரே நேரத்தில் பல மொழிகளில் 190 நாடுகளில் 204 மில்லியன் சந்தாதாரர்களை சென்றடையவுள்ளது. 

Netflix நிறுவனத்துடன் இணைந்தது குறித்து இயக்குநர் கார்த்திக் சுப்புராஜ் கூறியதாவது...

“ஜகமே தந்திரம்” எனது கனவு திரைப்படம். என் மனதிற்கு மிகவும் நெருக்கமான படம். இக்கதை சொல்லப்பட வேண்டிய முக்கியமான கதை, மேலும் உலகில் உள்ள அனைவரையும் சென்றடைய வேண்டிய கதை. அனைத்து ரசிகர்களையும் சென்றடைய இப்படம் ஒரு புது வழியினை கண்டடைந்துள்ளது. “ஜகமே தந்திரம்” Netflix தளத்தில் 190 நாடுகளில் ப்ரத்யேகமாக, ஒரே நேரத்தில் பல மொழிகளில் வெளியிடப்படுகிறது. ரசிகர்களுக்கு தந்திரமிக்க உலகத்தை Tricky World (ஜகமே தந்திரம்) இப்படத்தின் மூலம் அளிக்க ஆர்வமாக உள்ளேன். 

YNot Studios சார்பில் S.சசிகாந்த் கூறியதாவது... 

YNOT Studios, புதியவகை கதைகள் கொண்ட திரைப்படங்களை, துணிவுடன் தயாரிக்கும் நிறுவனம் எனும் பெயரை பெற்றிருக்கிறது. இந்த துணிவு படங்களின் கதைகளங்களில் வித்தியாசம் காட்டுவதோடு மட்டுமல்லாமல், தயாரிப்பு தரப்பிலும், அனைத்து வகை திட்டமிடுதலிலும் புதுமையை கடைப்படிப்பதில் முன்னணி வகிக்கிறது. Netflix நிறுவனத்துடன்  இணைந்துள்ளது எங்களுக்கு மிகப்பெரும் மகிழ்ச்சியையும் உற்சாகத்தையும் அளித்துள்ளது. Netflix தளம் இந்த தமிழ் கதையினை உலகமெங்கும் எடுத்துசெல்லும் என்பதில் ஐயமில்லை. இப்படத்தின் நடிகர் மற்றும் தொழில்நுட்ப குழுவினரின் அயராத உழைப்பு, படத்தில் கண்டிப்பாக தெரியும்,  ரசிகர்கள் படம் பார்க்கும் போது,  தரப்போகும் உற்சாக குரல்கள் அவர்களின் உழைப்பிற்கு பலனாக இருக்கும். ஒரு தரமான தமிழ் திரைப்படத்தினை உலகளாவிய ரசிகர்களுக்கு அளிப்பதில் YNot Studios பெருமை கொள்கிறது. Netflix நிறுவனம் 190 நாடுகளில் 204 மில்லியன் சந்தாதாரர்களை கொண்டுள்ளது. தனுஷ் நடிப்பில் கார்த்திக் சுப்புராஜ் இயக்கத்தில் “ஜகமே தந்திரம்” படத்தினை அவர்கள் அனைவரும் கண்டுக் களிக்கலாம். 

Netflix India அலுவல் அதிகாரி பிரதிக்‌ஷா ராவ் கூறியதாவது...

கார்த்திக் சுப்புராஜ் இயக்கத்தில் உருவாகியுள்ள  “ஜகமே தந்திரம்” படத்தினை எங்கள் நிறுவனத்தில் வெளியிடுவது பெரும் மகிழ்ச்சி. உலகம் முழுக்க உள்ள ரசிகர்களுக்கு சிறந்ததொரு தமிழ் படத்தினை கொண்டு செல்வதில் பெரும் உற்சாகத்துடனும் ஆர்வத்துடனும் உள்ளோம்.  தனுஷ் நடிப்பில் ரசிகர்களின் எதிர்பார்ப்பை எகிறச்செய்துள்ள இப்படத்தை இந்தியா மற்றும் உலகம் முழுக்க ரசிகர்களுக்கு கொண்டுசெல்வது  பெருமை. 

இப்படத்தில் தனுஷ், ஜேம்ஸ் காஸ்மோ, ஐஸ்வர்யா லக்‌ஷ்மி, கலையரசன், ஜோஜு ஜார்ஜ் ஆகியோர் நடித்துள்ளனர். இசையமைப்பாளர் சந்தோஷ் நாராயணன் இசையமைத்துள்ளார்.