விரைவில் திரைக்கு வரும் ஒட்டாரம் திரைப்படம்

 *விரைவில் திரைக்கு வரும் ஒட்டாரம் திரைப்படம்*

எஸ்.எஸ். ஸ்க்ரீன்ஸ் நிறுவனம் சார்பில் P. சாமுவேல் அவர்கள் தயாரிப்பில், இயக்குநர் ரா. ராமமூர்த்தி எழுதி இயக்கியுள்ள திரைப்படம் ‘ஒட்டாரம்’. இப்படம் விரைவில் திரைக்கு வரவுள்ளது.

படத்தில் கதையின் நாயகனாக காட்வின் ஃப்ராங்க் நடித்துள்ளார். ‘யாத்திசை’ பட நாயகி ராஜலட்சுமி, ‘லப்பர் பந்து’ படத்தில் நடித்த டி.எஸ்.கே மற்றும் கன்னடத் திரைப்படங்களில் முக்கிய வில்லன் கதாபாத்திரங்களில் நடித்து வரும் ரோபோ கணேசன் ஆகியோர் முக்கிய கதாபாத்திரங்களில் நடித்துள்ளனர். மேலும் தேசிய விருது பெற்ற நடிகர் எம்.எஸ். பாஸ்கர், தம்பி ராமையா மற்றும் மூனார் ரமேஷ் ஆகியோரும் இணைந்து நடித்துள்ளனர்.

C. சத்யா இசையமைக்க, M.S. பரணி ஒளிப்பதிவு செய்துள்ளார். R. சத்யநாராயணன் படத்தொகுப்பு செய்துள்ளார். படத்தின் பாடல்களை விவேக் மற்றும் மோகன்ராஜன் எழுதியுள்ளனர். இரண்டு பாடல்களுக்கு ஷெரிஃப் மாஸ்டர் நடனம் அமைத்துள்ளார்.

படத்தின் பெரும்பாலான காட்சிகள் கேரள மாநிலம் இடுக்கி மாவட்டத்தில் உள்ள மான்குத்திமேடு வனப்பகுதியில் பிரம்மாண்டமான செட் அமைக்கப்பட்டு, 30 நாட்களுக்கு மேல் கடும் பனிப்பொழிவுக்கு நடுவே படமாக்கப்பட்டுள்ளன. யானைகள் உள்ளிட்ட பல்வேறு வனவிலங்குகளின் நடமாட்டம் உள்ள பகுதியாக இருப்பதால், அங்கு நடைபெற்ற படப்பிடிப்பு நாட்கள் மிகுந்த சவால்களுடனும், ஒருவித அச்சத்துடனும் நடைபெற்றதாக படக்குழுவினர் தெரிவித்துள்ளனர்.

ஆசியாவிலேயே தூய்மையான காற்று நிலவும் பகுதிகளில் ஒன்றாகக் கூறப்படும் மான்குத்திமேட்டில் நடைபெற்ற படப்பிடிப்பைத் தொடர்ந்து, சென்னை தண்டையார்பேட்டை பகுதியிலும் சுமார் 20 நாட்கள் படப்பிடிப்பு நடைபெற்றுள்ளது.

படத்தின் கதை குறித்து இயக்குநர் ரா. ராமமூர்த்தி கூறுகையில்,

“இது வித்தியாசமான படம் என்பதைத் தாண்டி, கண்டிப்பாக ஒரு விசித்திரமான அனுபவத்தைத் தரும் படமாக இருக்கும். ‘யார் இவர்கள்? இங்கு என்ன நடக்கிறது? நாம் ஏன் நம்மைப் பற்றி இவ்வளவு ஆராய்ச்சி செய்கிறோம்?’ என்ற கேள்விகள் படம் பார்க்கும் ஒவ்வொருவரின் மனதிலும் தோன்றும் விதமாக திரைக்கதை அமைக்கப்பட்டுள்ளது.

சமூகத்தில் பெண்களுக்கு எதிராக நடைபெறும் பாலியல் துன்புறுத்தலின் வலியையும், அது குறித்த விழிப்புணர்வையும் அடிப்படையாகக் கொண்ட கதை இது. ஒரு தனிமனிதன் தனது வாழ்வியல் சுதந்திரத்தை எவ்வாறு தவறாகப் பயன்படுத்துகிறான் என்பதையும், ‘Self-Doctoring’ மற்றும் ‘Self-Realisation’ பற்றிய கருத்துகளையும் இப்படம் காட்சிப்படுத்துகிறது,” என்றார்.

படத்தின் ஃபர்ஸ்ட் லுக் அக்டோபர் மாதம் வெளியாக இருக்கிறது. இப்படத்தின் பாடல்கள் மற்றும் டிரைலர் வெளியீட்டு விழா வெகு விரைவில் நடைபெறவுள்ளது.

புதிய சிந்தனைகளுடன் உருவாகிறது ‘மந்திரா ஸ்டுடியோஸ்’ (MANTHIRA STUDIOS) – ஆர்.டி. ராஜா அறிவிப்பு!

 *புதிய சிந்தனைகளுடன் உருவாகிறது ‘மந்திரா ஸ்டுடியோஸ்’ (MANTHIRA STUDIOS) – ஆர்.டி. ராஜா அறிவிப்பு!*

*ஹைப்பர் ரியலிஸ்டிக் டிஜிட்டல் ஹைப்ரிட் திரைப்படத் தயாரிப்பில் புதிய முயற்சி!*

தமிழ் திரையுலகில் புதிய முயற்சிகளையும், புதுமையான கதை சொல்லும் முறைகளையும் ஊக்குவிக்கும் நோக்கில், தயாரிப்பாளர் ஆர்.டி. ராஜா புதிய தயாரிப்பு நிறுவனமான ‘மந்திரா ஸ்டுடியோஸ்’ குறித்த அறிவிப்பை வெளியிட்டுள்ளார். இந்த நிறுவனத்தின் மூலம் வழக்கமான திரைப்பட உருவாக்க முறைகளைத் தாண்டி, புதிய தொழில்நுட்பங்களுடன் தனித்துவமான படைப்புகளை உருவாக்கத் திட்டமிட்டுள்ளதாக அவர் தெரிவித்துள்ளார்.

33 ஆண்டுகால அனுபவம் கொண்ட கலை இயக்குநரான டி. முத்துராஜ், தற்போது இயக்குநர் மற்றும் தயாரிப்பாளராகத் தனது புதிய பயணத்தைத் தொடங்கியுள்ளார். அவர் இயக்கி, தயாரிக்கும் ஹைப்பர் ரியலிஸ்டிக் டிஜிட்டல் ஹைப்ரிட் ஃபீச்சர் ஃபிலிம் (HYPER - REALISTIC DIGITAL -HYBRID FEATURE FILM), மெய்நிகர் தொழில்நுட்பத்தையும் புதுமையான காட்சியமைப்பு முறைகளையும் இணைத்து உருவாகி வருகிறது. இந்நிலையில், டி. முத்துராஜின் இந்தப் புதிய முயற்சி குறித்துப் பேசிய தயாரிப்பாளர் ஆர்.டி. ராஜா, அவருடன் கடந்த ஏழு ஆண்டுகளாக இணைந்து பணியாற்றி வருவதாகவும், அவரது இந்தப் புதிய முயற்சி தனக்குப் பெருமகிழ்ச்சி அளிப்பதாகவும் தெரிவித்துள்ளார்.

‘மந்திரா ஸ்டுடியோஸ்’ என்பது வெறும் திரைப்படத் தயாரிப்பு நிறுவனம் மட்டுமல்ல. புதிய சிந்தனைகளுக்கும், புதுமையான கதை சொல்லும் முயற்சிகளுக்கும், எல்லைகளைக் கடந்து கற்பனை செய்யும் படைப்பாளிகளுக்கும் வாய்ப்பளிக்கும் தளமாக இது அமையும். வழக்கமான திரைப்படம் உருவாக்கும்   முறைகளைத் தாண்டி, தனித்துவமான சிந்தனைகளை ஊக்குவிப்பதும், புதிய காட்சியுலகை உருவாக்குவதும் இந்நிறுவனத்தின் முக்கிய நோக்கமாக இருக்கும் என ஆர்.டி. ராஜா குறிப்பிட்டுள்ளார்.

விளம்பரத் துறை, ஆக்கப்பூர்வமான கலைப் பணிகள், தயாரிப்பு உள்ளிட்ட பல்வேறு தளங்களில் டி. முத்துராஜுடன் இணைந்து பணியாற்றிய அனுபவம் தனக்கு இருப்பதாகக் குறிப்பிட்டுள்ள ஆர்.டி. ராஜா, அவருடைய புதிய முயற்சிக்கு தனது மகிழ்ச்சியையும் ஆதரவையும் தெரிவித்துள்ளார்.

நம் கற்பனைக்கு எட்டாத விஷயங்களையும், ஏற்கனவே உள்ள வரம்புகளை மீறிச் சிந்திக்கும் முயற்சிகளையும் முன்னெடுப்பதன் மூலமே புதிய படைப்புகளை உருவாக்க முடியும். சவால்களை எதிர்கொள்ளும் கலைஞர்களுக்கும் படைப்பாளிகளுக்கும் வாய்ப்பளித்து, அவர்களின் சிந்தனைகளைத் திரையில் கொண்டுவருவதற்கான தளமாக ‘மந்திரா ஸ்டுடியோஸ்’ அமையும் என்ற நம்பிக்கையையும் அவர் வெளிப்படுத்தியுள்ளார்.

ஒரு சிந்தனை சவாலானதாக இருந்தாலும், அதைச் சாத்தியமற்றது என்று தொடக்கத்திலேயே நிராகரிக்காமல், முயற்சியுடன் முன்னெடுத்துச் செல்ல வேண்டும் என்பதே இந்தப் புதிய முயற்சியின் அடிப்படை நோக்கமாகும். புதிய கதைகள், புதுமையான சிந்தனைகள் மற்றும் இதுவரை சாத்தியமில்லை எனக் கருதப்பட்ட முயற்சிகளை ஆக்கப்பூர்வமாக முன்னெடுப்பதன் மூலம் ரசிகர்களுக்கு வித்தியாசமான திரை அனுபவத்தை வழங்க முடியும் என ஆர்.டி. ராஜா நம்பிக்கை தெரிவித்துள்ளார்.

டி. முத்துராஜ் இயக்கும் இப்படத்தின் படப்பிடிப்பு நடைபெற்று வருகிறது படம் குறித்த கூடுதல் விவரங்களும் முக்கிய அறிவிப்புகளும் விரைவில் வெளியாகும் என தெரிவித்துள்ளார்

புதிய தொழில்நுட்பம், புதுமையான கதை சொல்லல், எல்லைகளைக் கடக்கும் கற்பனை எனத் தனித்துவமான முயற்சிகளுடன் உருவாகும் ‘மந்திரா ஸ்டுடியோஸ்’, தமிழ் சினிமாவில் புதிய படைப்புகளுக்கு வழிவகுக்குமா என்ற எதிர்பார்ப்பை ஏற்படுத்தியுள்ளது.

விஜய் சேதுபதி நடித்த ‘பத்தா’ திரைப்படத்தின் சக்சஸ் மீட் நிகழ்ச்சி!

 *விஜய் சேதுபதி நடித்த ‘பத்தா’ திரைப்படத்தின் சக்சஸ் மீட் நிகழ்ச்சி!*

மக்கள் செல்வன் விஜய் சேதுபதி, லிஜோமோல் ஜோஸ், ஹரிகிருஷ்ணன்,சாந்தி பாலச்சந்திரன், அர்ஜுன் சிதம்பரம், சாய் பிரித்வி ராஜ், சஹஸ்ரா, அஜய் கோஷ், தீபா வெங்கட் நடிப்பில், பாலாஜி தரணிதரன் இயக்கத்தில் உருவாகி, அக்டோபர் 1ஆம் தேதி வெளியான திரைப்படம் ‘பத்தா’.

இப்படத்திற்கு சாய் அப்யங்கர் இசையமைக்க, செல்வகுமார் எஸ்.கே. ஒளிப்பதிவு செய்திருந்தார். படத்தொகுப்பு: ஆர். கலைவாணன். அட்லீ வழங்க, ஸ்டார் ஸ்டுடியோ18 (Star Studio18)  , ஏ ஃபார் ஆப்பிள் ஸ்டுடியோஸ் (A for Apple Studios) , சினி 1 ஸ்டுடியோஸ் புரொடக்‌ஷன் நிறுவனங்கள் (Cine 1 Studios Production) சார்பில் முராத் கெதானி, பிரியா அட்லீ, அலோக் ஜெயின் & அஜித் அந்தாரே ஆகியோர் தயாரித்திருந்தனர்.

ஆக்சன் படமாகத் தொடங்கி, மானுட மெல்லுணர்வுகளை வெளிப்படுத்தும் வகையில் சுவாரஸ்யமாக விரியும் கதையில் உருவான ‘பத்தா’ திரைப்படம், விமர்சன ரீதியாக ஊடகங்களால் பாராட்டப்பட்டும், வசூல் ரீதியாகத் திரையரங்குகள் அதிகரிக்கப்பட்டும் வெற்றிப் பாதையில் சென்று கொண்டிருக்கிறது. இந்த வெற்றி மகிழ்ச்சியைப் பகிர்ந்து கொள்ளும் வகையில், ‘பத்தா’ படக்குழுவினர் ‘சக்சஸ் மீட்’ வெற்றிச் சந்திப்பை முன்னிட்டு பத்திரிகையாளர்களைச் சந்தித்தனர்

நிகழ்ச்சியில் படத்தின் ஒளிப்பதிவாளர் செல்வகுமார் பேசும்போது,

"முதலில் இந்த வாய்ப்பு கொடுத்த அட்லீ அண்ணாவுக்கு நன்றி. நான் ஒவ்வொரு படத்திலிருந்தும் கற்றுக்கொண்டிருக்கிறேன். அந்த வகையில் இயக்குநர்கள் லோகேஷ் கனகராஜ், ராஜுமுருகன் வரிசையில் பாலாஜி தரணிதரன் அவர்களிடமும் கற்றுக்கொண்டேன். அது மட்டுமில்லாமல், வாழ்க்கையில் எதற்கும் ஆசைப்படக்கூடாது, எளிமையாக வாழ வேண்டும் என்பதையும் அவரிடம் கற்றுக்கொண்டேன். மாலை 6 மணிக்குள் சாப்பிட்டுவிட வேண்டும், சீக்கிரம் தூங்கப் போய்விட வேண்டும், செல்போன் தொடர்புகளை விட்டுவிட்டு நிம்மதியாகத் தூங்க வேண்டும் என்றெல்லாம் அவரிடம் கற்றுக்கொண்டேன்.

விஜய் சேதுபதி சார் அருமையாக நடித்திருந்தார். சிறுவன் சாய் நடிப்பில் ஆச்சரியப்படுத்தினான். லிஜோமோல் சிறப்பாக நடிக்கக்கூடியவர். ‘மகளே’ பாடலின் படப்பிடிப்பின்போதே எனக்குக் கண்கள் கலங்கின" என்றார்.

படத்தின் தயாரிப்பு வடிவமைப்பாளர் முத்துராஜ் பேசும்போது,

"இந்தப் படத்தில் அனைவருமே பிரமாதமாக நடித்திருந்தார்கள். சாய் பிரமாதமாகப் பாடல்களை மட்டுமல்ல, பின்னணி இசையையும் பிரமாதமாக அமைத்திருக்கிறார். எதிர்பாராத பல விஷயங்களைக் கொண்டதாக இந்தப் படம் இருந்தது. இந்தப் படத்தில் எதிர்மறைத் தன்மையே வராமல், விமர்சனங்கள் வந்தது மகிழ்ச்சியாக இருந்தது. எதிர்மறையையே பரப்பி வரும் இந்தக் காலத்தில் இப்படி அமைவது அரிது. மகிழ்ச்சியாக இருக்கிறது. தயாரிப்பாளர் அட்லீ இதை முன்னெடுத்திருக்கிறார். இதேபோல் அவர் நிறையப் படங்கள் செய்ய வேண்டும். இதுபோல நல்ல நல்ல படங்கள் வரவேண்டும்; விஜய் சேதுபதி சார் பாத்திரத்தில் சின்னச் சின்ன நுட்பங்களைக் காட்டி அவர் நடித்திருந்தது ஆச்சரியமாக இருந்தது. குறிப்பாக, அந்தப் பாத்ரூம் காட்சியில் அந்தப் பாத்திரமாகவே மாறியிருந்தார். அந்தச் சிறுவன் சாய் கடைசியில் வாக்குமூலம் போல் அழுது பேசி நடித்திருக்கும் காட்சியில் பிரமாதமாக நடித்திருப்பான். பின்னணி இசை இல்லாமலேயே மனதைக் கலங்க வைக்கும். லிஜோமோலும் மிகவும் நுட்பமாக நடித்திருப்பார். படத்தில் நடித்த அனைவருமே சிறப்பாக நடித்திருப்பார்கள்" என்றார்.

படத்தின் போஸ்டர் டிசைனர் கோபி பிரசன்னா பேசும்போது,

"இந்தப் படத்திற்கு ரெட்ரோ போல ரூட் கொடுக்க விரும்பினேன். இந்தப் படத்தின் புவியியல் காட்சி எனக்குப் பிடித்தது. அது எனக்கு ஒரு தூண்டுதலாக இருந்தது. அதுவே அந்தத் தோற்றத்தைக் கொடுத்தது. விஜய் சேதுபதி அவர்களின் முதல் தோற்றமே பிரமாதமாக அமைந்தது. இந்தப் படத்தில் வாய்ப்பு அளித்த அனைவருக்கும் நன்றி" என்றார்.

பாடலாசிரியர் கேகே நகர் கானா ஜீவா பேசும்போது,

"இந்தப் படத்தில் எனக்கு பாடல் வாய்ப்பு தந்த அனைவருக்கும் நன்றி. எனக்கு இதற்கு மேல் பேச வரவில்லை. இந்தப் படத்தில் சென்டிமென்ட் காட்சிகள் நன்றாக உள்ளன" என்றார்.

படத்தின் இணை வசனகர்த்தா எழுத்தாளர் கரன் கார்க்கி பேசும்போது,

"இந்த மேடை எனக்கு 16 ஆண்டு காலக் கனவு. அந்த அளவுக்கு எனக்கு சினிமா மீது ஒரு கனவு உண்டு. இதுவரை எட்டு நாவல்கள், ஒரு சிறுகதைத் தொகுப்பு எழுதியிருக்கிறேன். 16 விருதுகள் வாங்கி இருக்கிறேன். ஆனால் அதில் எல்லாம் கிடைக்காதது இப்போது கிடைத்துள்ளது. இப்போது அனைவரும் ட்ரீட் கேட்கிறார்கள். முதலில் இந்தப் படத்தை இயக்குநர் அளித்தபோது தயக்கமாக இருந்தது. ஏனென்றால், பொதுவாக எனக்கு தமிழ் சினிமா மீது ஒரு விஷயத்தில் வெறுப்பு உண்டு. சென்னை வட்டார மொழியைத் தவறாகச் சித்தரிக்கிறார்கள் என்று. சென்னை வட்டார மொழிகளில் பல அடுக்குகள் உண்டு. சிந்தாதிரிப்பேட்டையில் பேசுவதை வியாசர்பாடியில் பேச மாட்டார்கள். ராயபுரம் மொழி வேறு மாதிரியாக இருக்கும்.

இந்தச் சென்னை வட்டார மொழியின் வேரைக் கண்டுபிடித்துச் சில சொற்களைப் பயன்படுத்த வேண்டும் என்று கேட்டது எனக்கு ஆச்சரியமாக இருந்தது. அப்படி பயன்படுத்திய சொற்களின் பொருளை எல்லாம் கேட்டுத் தெரிந்து கொண்டார்கள்.

இதன் திரைக்கதையே ஒரு பயிற்சி நிலையத்திற்கு பாடமாக வைக்கும் அளவிற்கு இருக்கிறது" என்றார்.

நடிகர் ஹரிகிருஷ்ணன் பேசும்போது,

" இந்த நிகழ்ச்சியில் கலந்து கொள்வது மிகவும் மகிழ்ச்சியாக இருக்கிறது அனைவருக்கும் மிக்க நன்றி .ஒரு நல்ல படத்தில் நான் இருப்பதற்காக, நான் பங்கேற்க வாய்ப்பு கொடுத்ததற்காக நன்றி. விஜய் சேதுபதி அண்ணா அவர்களுடன் நான் நடித்ததற்காகவும் எனக்கு உரிய இடத்தை கொடுத்ததற்காகவும் நன்றி. இந்தப் படத்திற்கு நல்ல நேர்நிலை உணர்வுகள் உருவாகிக்கொண்டே வருகின்றன. அதற்கு காரணம் அட்லீ என்கிற நல்ல ஆத்மா தான் காரணம்" என்றார்.

நடிகர் பாலமுருகன் பேசும்போது ,

"எனக்கு இது தான் முதல் படம். நான் இதற்கு முன்பு மீடியாக்களில் இருந்து கொண்டு சினிமா நிகழ்ச்சிகளைப் பார்த்துக் கொண்டிருந்தேன். இப்பொழுது நான் இந்த மேடையில் இருக்கிறேன். வாய்ப்பு கொடுத்த இயக்குநருக்கு நன்றி.விஜய் சேதுபதி அண்ணாவிடம் நிறைய கற்றுக் கொண்டேன்" என்றார்.

நடிகர் அர்ஜுன் சிதம்பரம் பேசும்போது,

"வந்தாரை வரவேற்கும் தமிழக மக்களுக்கு நன்றி. ‘பத்தா’ எங்கள் அனைவருக்கும் முக்கியமான படம். கதை சொல்லும்போது நம்பிக்கையாக இருந்தது, நடிக்கும்போது வியப்பாக மாறியது. படப்பிடிப்பில் இயக்குநர் சொன்னதை நான் தொடர்ந்து பின்பற்றிக் கொண்டிருந்தேன். நல்ல கதையை நம்பினால் அது அனைத்தையும் தேடிக் கொண்டு வரும் என்பதற்கு இந்தப் படமே ஒரு உதாரணமாக இருக்கிறது. நல்ல சினிமா வராதா என்ற ஏக்கத்தைக் கொஞ்சம் போக்குகிற படமாக இது வந்திருக்கிறது. அதில் நானும் பங்கு பெற்றிருப்பதில் மகிழ்ச்சி" என்றார்.

நடிகர் விஷ்ணு பேசும்போது,

"நான் மலையாளத்திலிருந்து இங்கே வந்திருக்கிறேன். என்ன பேசுவது என்றே தெரியவில்லை. என்னைக் கேட்டால், மூன்று விஷயங்களைக் கூறுவேன். முதலில் நாம் கலையைத் தேர்ந்தெடுப்பதை விட, கலை நம்மை தேர்ந்தெடுக்க வேண்டும். அடுத்து கடினமாக உழைக்க வேண்டும்; மௌனமாக இருக்க வேண்டும். மூன்றாவதாக, நாம் பேசக்கூடாது; நமது படம்தான் பேச வேண்டும். இந்த மூன்றும் நான் கற்றுக்கொண்ட விஷயங்கள். இந்தப் படத்தில் என் நடிப்பு பிடித்திருந்தால், வாய்ப்பு கொடுங்கள்" என்றார்.

தயாரிப்பாளர்  முராத் கெதானி பேசும்போது,

"என்னை இந்தத் தயாரிப்பில் இணைத்ததற்கு அட்லீ அவர்களுக்கு நன்றி. இந்த நல்ல படப்பிடிப்புக் குழுவில் நானும் பங்கேற்றதில் மகிழ்ச்சியாக இருக்கிறேன். இயக்குநர், விஜய் சேதுபதி, முத்துராஜ் மற்றும் அனைவருக்கும் நன்றி. இது எங்களுக்கு மிக முக்கியமான படம். இந்தப் படத்தைப் பற்றி மட்டுமே எல்லாமே நல்ல விமர்சனங்களாக வந்தன. இது மாதிரி வரவேற்பு எந்தப் படத்திற்கும் கிடைத்திருக்காது" என்றார்.

கதாநாயகி லிஜோ மோல் ஜோஸ் பேசும்போது,

"இந்தப் படத்தின் ஆடியோ வெளியீட்டு விழாவில் ரொம்ப பதற்றமாக இருந்தேன். இப்போது அந்தப் பதற்றம் குறைந்திருக்கிறது. இந்தப் படத்தை ஏற்றுக்கொண்ட மக்களுக்கு மிகவும் நன்றி. கன்னிமா பாத்திரத்தில் என்னை ஏற்றுக்கொண்ட மக்களுக்கு மிகவும் நன்றி. மகிழ்ச்சியாக இருக்கிறது. முதலில் தயாரிப்பாளர் அட்லீ அவர்களுக்கு நன்றி. மற்ற தயாரிப்பாளர்களுக்கும் நன்றி. இந்தப் படத்தில் பணியாற்றிய ஒவ்வொரு துறையினரும் தங்களது சிறந்ததைக் கொடுத்திருக்கிறார்கள். அனைவரையும் பாராட்ட வேண்டும். இந்தப் படத்தில் நடித்தது எனக்குப் பெருமையாக இருக்கிறது. படப்பிடிப்பிலிருந்து டப்பிங் வரை இயக்குநர் பொறுமையாகச் சொல்லிக் கொடுத்து என்னிடமிருந்து வேலை வாங்கினார். அவரது பொறுமைக்கு நன்றி. விஜய் சேதுபதி சார் அவர்களைப் பார்த்தாலே எனக்குப் பயம். ஆனால் அவர் அருகில் இருப்பது ஒரு மேஜிக் போல் உணர வைக்கும். அந்த மேஜிக்கில் நானும் அருகில் இருந்தது, அதைப் பார்த்தது பெருமையாக இருக்கிறது. அவர் சக கலைஞர்களுக்கு கொடுக்கும் இடமும் சுதந்திரமும் என்னை ஆச்சரியப்படுத்தியது. சிறுவன் சாய் நல்ல திறமைசாலி. சஹஸ்ராவும் நன்றாக நடித்திருந்தார். ‘செல்ல மகளே’ பாடல் சாய் அப்யங்கர் இசையில் பிரமாதமாக இருந்தது. இந்தப் படம் அனைவரையும் போய்ச் சேர வேண்டும். மேலும் மேலும் பார்க்க வேண்டும். பார்த்தவர்கள் பார்க்காதவர்களிடம் கூற வேண்டும். இந்தப் படத்தை மேலும் மேலும் வெற்றிபெற உதவுங்கள்" என்றார்.

சிறுமி சஹஸ்ரா பேசும்போது,

"தேன்மொழி பாத்திரத்தில் என்னைத் தேர்ந்தெடுத்ததற்கு நன்றி. இந்தப் படத்தை பெரிய வெற்றிப் படமாக்கிய மக்களுக்கு நன்றி. தயாரிப்பாளர் அட்லீ சார் உட்பட அனைத்து தயாரிப்பாளர்களுக்கும் நன்றி. எனக்கு பொறுமையாகச் சொல்லிக் கொடுத்து நடிக்க வைத்த இயக்குநருக்கு நன்றி. விஜய் சேதுபதி அவர்களுக்கு நன்றி. நல்லதொரு உணர்வைத் தருகிற நல்லதொரு படம் இது" என்றார்.

சபரி பாத்திரத்தில் நடித்திருக்கும் சாய் பிரித்திவி ராஜ் பேசும்போது,

"இது எனக்கு முதல் படம், முதல் பயணம். பயமும் மகிழ்ச்சியும் கலந்த உணர்வாக இருக்கிறது. படப்பிடிப்பின் போதும் அப்படித்தான் இருந்தது. ஒரு பக்கம் பயமாகவும், இன்னொரு பக்கம் மகிழ்ச்சியாகவும் இருந்தது. ஆனால் அனைவரும் என்னை நன்றாகப் பார்த்துக் கொண்டார்கள். செட்டில் அங்குமிங்கும் நான் திரிந்து கொண்டிருந்தாலும், அந்த 60 நாட்களும் என்னைப் பத்திரமாக அனைவரும் கவனத்துடன் பார்த்துக் கொண்டார்கள். இயக்குநர் அழகாக நடிக்க வைத்தார். சேது சார் உடன் நடிக்கும் போது பயமாக இருந்தது. படப்பிடிப்பில் நடிக்கும் போது மகிழ்ச்சியாக இருந்தாலும், அந்த மகிழ்ச்சியை முகத்தில் கொண்டு வராமல் பயந்து கொண்டே இருந்தேன். அவர் நண்பரைப் போல பழகினார். ஜாலியாக இருந்தார். சில நேரம் திட்டியிருக்கிறார். ஆனால் நன்றாகப் படிக்க வேண்டுமென்று சொல்லிக்கொண்டே இருந்தார்" என்றார்.

இசையமைப்பாளர் சாய் அப்யங்கர் பேசும்போது,

"இந்தப் படத்தை நான்தான் இசையமைக்க வேண்டும் என்றபோது எனக்குப் பல விதமான உணர்வுகள் வந்தன. இந்தப் படத்தில் நடித்தவர்கள் இரண்டு மூன்று பேர் தேசிய விருது பெறுவார்கள் என்று நம்புகிறேன். வண்டி ஓட்டுபவர்கள் கூட அத்தனை அருமையாக நடித்திருந்தார்கள். யார் சிறப்பாக நடித்தார்கள் என்று கண்டுபிடிக்க முடியாத அளவிற்கு நடித்திருந்தார்கள். முதலில் என்னை இயக்குநர் நம்பவில்லை. வேறு ஒருவரை வைத்து செய்வதாக இருந்தது. நான் ஒவ்வொரு பாடல் மூலமும் அவரிடம் நம்பிக்கை வரவைத்தேன். பிறகுதான் அவர் பின்னணி இசை அமைக்கவே சம்மதித்தார். சேது அண்ணா பிரமாதமாக நடித்திருந்தார். லிஜோ அக்காவும் சிறப்பாக நடித்திருந்தார். முதலில் கதை சொன்னபோதே அட்லீ அண்ணா என்னை நம்பினார். நானே என்னை நம்பவில்லை. ஆனால் அவர் நம்பினார். எனது இரண்டாவது படத்திற்கும் நீதான் இசையமைக்கிறாய் என்றார். அது நன்றாக வரும் என்று நான் நினைக்கிறேன்" என்றார்.

இயக்குநர் பாலாஜி தரணிதரன் பேசும்போது,

"இந்த வாய்ப்பு கொடுத்த மூன்று தயாரிப்பாளர்களுக்கும் நன்றி. என்னிடம் குறைவாக இருப்பது, அட்லீயிடம் அதிகமாக இருப்பது, அந்த நேர்நிலை எண்ணம்தான். முதலில் சேதுவிடம் கதை சொன்னேன். அவர் நண்பர் என்பதால் ஓகே செய்துவிட மாட்டார். அவருக்குப் பிடித்துப் போனதால் அட்லீயிடம் அழைத்துக் கொண்டு சென்றார். விஜய் சேதுபதியுடன் நான் இணைந்த படங்களில் உள்ள அனுபவத்தில் சொல்கிறேன். அவர் இயக்குநர்களின் நடிகர் என்பதை நிரூபித்தவர்.

லிஜோ மோல் மூன்று நாட்களுக்குள் படப்பிடிப்பு என்கிறபோதுதான் வந்து சேர்ந்தார். அவர் வந்ததும் பெரிய நம்பிக்கை வந்தது. எது நடக்குமோ, அது நன்றாக நடக்கும் என்ற நம்பிக்கை வந்தது. அவர் தனது நேர்மையான பங்களிப்பை வழங்கினார். அவர் ஒரு சிறந்த நடிகை. சிறுவன் சாய் குழந்தை குணம் கொண்டவன். அவனை நடிக்க வைக்காமல் இருந்தாலே போதும். அந்தக் குழந்தைத்தன்மை சரியாக வந்தாலே சிறப்பாக அமைந்துவிடும் என்று நினைத்தேன். அப்படித்தான் வந்திருக்கிறது. சித்தாவில் வந்து பாராட்டைப் பெற்ற சிறுமி சஹஸ்ராவும் சிறப்பாக நடித்திருந்தார். இந்தப் படத்தில் பங்குபெற்ற அனைத்து தொழில்நுட்பக் கலைஞர்களும் இந்தப் படத்தை நம்பினார்கள். அது படத்தில் பொறுப்பாக மாறி வெளிப்பட்டது. அதன் விளைவு சரியாக அமைந்திருக்கிறது. முத்துராஜ் என்ற அனுபவசாலி, அந்த 80s களின் உலகத்தைக் கொண்டு வருவதற்குப் பெரிதும் உதவியாக இருந்தார். இப்படியே திறமையான ஒளிப்பதிவாளர், அற்புதமான எடிட்டர் என அனைவருக்கும் பங்கு உண்டு.

சாய் அப்யங்கர் முதலில் இசையமைக்க எனக்கு ஒரு சின்ன பயம் இருந்தது. ஆனால் அந்தப் பயத்தை நீக்கி, நம்பிக்கையை அவர் ஏற்படுத்தினார். அதற்குப் பிறகு பின்னணி இசை அமைக்க வைத்தேன். அவர் படத்தை வேறொரு உயரத்துக்குக் கொண்டு சென்றார். அதுமட்டுமல்ல, காஸ்டியூமர் ஸ்ருதி மஞ்சரி வயதில் இளையவராக இருந்தாலும், 80s களின் உடைகளை எல்லாம் சரியாகக் கொண்டு வந்தார். டிசைனர் கோபி பிரமாதமான திறமைசாலி.

இப்படி இந்தப் படத்திற்குப் பின்னால் உழைத்தவர்கள் நிறைய பேர். அனைவருக்கும் நன்றி" என்றார்.

பாடலாசிரியர் கார்த்திக் நேத்தா பேசும்போது,

"இது ஒரு நீண்ட பயணம். இந்தப் படம் வணிகப் படங்களுக்குள் கலையை கொண்டு வந்த படம். இந்தப் படத்தின் வெற்றி மகிழ்ச்சியாகவும் பெருமையாகவும் இருக்கிறது. வணிகத்தை மீறி கலை செய்யக்கூடிய இயக்குநராக பாலாஜி தரணிதரன் இருக்கிறார்.

இந்தப் படம் என் வாழ்க்கையைப் பிரதிபலிப்பதாக இருப்பதால் என் மனதுக்கு நெருக்கமான படமாக இருக்கிறது. படத்தில் வரும் பத்தாவுக்கு அவன் பாடியபோது ஒரு சின்ன பாராட்டு கிடைத்திருந்தால், அவன் கத்தியைத் தூக்கியிருக்க மாட்டான்.

என் வாழ்க்கையும் அப்படித்தான் திசை மாறியது. போதை அடிமையாக இருந்து மாறியிருக்கிறேன். நல்ல படங்கள் எல்லாம் நல்ல புத்தகங்கள் போன்றவை. இந்தப் படம் அப்படிப்பட்ட படம்" என்றார்.

திங்க் மியூசிக் சந்தோஷ் பேசும்போது,

"விஜய் சேதுபதி சாரின் ‘நடுவுல கொஞ்சம் பக்கத்த காணோம்’ முதல் அவரது எல்லா முக்கியமான படங்களிலும் நாங்கள் இணைந்திருக்கிறோம். இந்தப் படத்திலும் இணைய வாய்ப்பு கொடுத்ததற்கு நன்றி" என்றார்.

நடிகர் விஜய் சேதுபதி பேசும்போது,

"எனக்கு இப்போது காய்ச்சல் வந்திருப்பது போல இருக்கிறது. பெரிய மகிழ்ச்சியாக இருந்தால் எனக்குக் காய்ச்சல் வரும். நான் நன்றி சொல்வதற்கு நிறைய பேர் இருக்கிறார்கள். யாரிடம் தொடங்குவது என்று எனக்குத் தெரியவில்லை. முதலில் இந்தப் படத்தை இவ்வளவு தூரம் கொண்டு சென்றதற்குப் பத்திரிகை மற்றும் ஊடக நண்பர்களுக்கு மிகவும் நன்றி. ஒரு படத்தை எடுத்து வந்து உங்களுக்குப் போட்டுக் காட்டிவிட்டுக் காத்திருக்கும் போது, பிரசவத்திற்கு மனைவியை அனுப்பிவிட்டு வெளியில் பதற்றத்துடன் காத்திருப்பது போல் இருக்கும்.

நீங்கள் எல்லாம் மலர்ந்த முகத்தில் வந்தீர்கள் என்றால், அன்று எங்கள் தோட்டம் முழுவதும் பூக்கள் பூத்திருக்கும். மகிழ்ச்சியாக வருவோம். கொண்டாட்டத்துடன் வருவோம். நீங்கள் நின்று, பாராட்டி, கை கொடுத்து, கட்டிப் பிடித்து, நடத்தியபோது மகிழ்ச்சியாக இருந்தது. மக்களுக்கும் ரசிகர்களுக்கும் நன்றி. இந்தப் படத்தை தங்கள் படம் போல ஆரத்தழுவிக் கொண்டாடிக் கொண்டிருக்கும் அன்புக்குரிய மக்களுக்கும் என் ரசிகர்களுக்கும் மிக்க நன்றி.

உங்களுக்குப் பிடித்து விட்டால் போதும், தூக்கிக் கொண்டு செல்வீர்கள். அது பற்றி யார் என்ன மாதிரியாகப் பேசினாலும், அதற்கு விளக்கம் கொடுப்பீர்கள். அனைத்து சமூக ஊடகங்களிலும் கொண்டு செல்வீர்கள். அப்படி அதை நீங்கள் உங்கள் படத்தைப் போலவே கொண்டாடும் போது மகிழ்ச்சியாக இருக்கிறது. இப்படிப்பட்டவர்களைப் பார்க்கும்போது, நம் வாழ்க்கை வரம்தான் என்பதை நினைவுபடுத்துகிறது.

இந்தக் கதையை மற்ற தயாரிப்பாளர்கள் நம்பவில்லை. அட்லீ தான் நம்பினார். சினிமா என்பது வியாபாரம் தான். இதைக் குறையாகச் சொல்லவில்லை. இயக்குநர் பற்றி சில கேள்விகள் கேட்டார்கள். இயக்குநரைப் பற்றிப் பேசும்போது, அவருக்கு முந்தைய படம் என்ன? அதன் வியாபாரம் என்ன? என்று கேள்விகளைக் கேட்டார்கள். ஆனால் அவர் இயக்கிய மூன்று படமும் அற்புதமானவைதான். நடுவுல கொஞ்சம் பக்கத்த காணோம், சீதக்காதி, பத்தா என மீண்டும் அற்புதமான படங்கள் தானே? ஒரு பக்கக் கதையில் நான் நடிக்க ஆசைப்பட்டேன். ஆனால் என் முகத்தைப் பார்த்துவிட்டு கல்லூரி மாணவனாக நடிக்க வேண்டும் என்றார். அவர் மேலும் உற்றுப் பார்த்து இருந்தால் ஒப்புக்கொள்வார். அதனால் நடிக்க முடியவில்லை.

சீதக்காதி, முதலில் என்னை ஏற்றுக்கொள்ளவில்லை. கமல் சார், அமிதாப் சார், மோகன்லால் சார் போன்றவர்கள் நடிக்க வேண்டிய கதை என்றார். ஆனாலும் நான் நடித்தேன். தெருவில் இருக்கும் நாய்கள் அழகாக இருந்தால் கூட, அதை நாம் ஒப்புக்கொள்ள மாட்டோம். ஜெர்மன் ஷெப்பர்ட்தான் நமக்குப் பிடிக்கும்.

இங்கு நிறைய நபர்களை அடிப்பது, இந்தக் கூட்டமாக இருப்பது, இதெல்லாம் பெரிய படங்களில் இருப்பவை. ஆனால் மனதில் உள்ளதைச் சொல்லக்கூடிய படம் தான் பத்தா. இது உணர்வுகளைச் சொல்கிற படம். எனக்கு குழந்தைகள் பிடிக்கும். ஆனால் இப்படத்தின் படப்பிடிப்பின் போது சின்ன பையன் சாய் உடன் நான் சரியாக பேசவில்லை, பழகவில்லை. ஏனென்றால் அவன் எனக்கு பயந்த மாதிரி நடிக்க வேண்டும். ஒரு சகஜம் ஏற்பட்டு விட்டால் அது மாறிவிடும் என்று நான் இறுக்கமாக இருந்தேன். அவன் நன்றாக நடித்திருக்கிறான். இந்தப் படத்தின் மூலம் பெரிய புகழ் வந்திருக்கிறது. அவன் திசை மாறிச் சென்றுவிடக்கூடாது. அவன் நன்றாகப் படிக்க வேண்டும் என்று சொல்வேன். லிஜோமோலின் பங்களிப்பு சிறப்பாக இருந்தது. நன்றி. என் சகோதரர்கள் ஹரி, ஜோதி, விஷ்ணு, பாலா, உங்களுக்கும் நன்றி. நீங்கள் மிகவும் நன்றாகச் செய்திருக்கிறீர்கள். சாய் அப்யங்கர் மீது எனக்கும் சந்தேகம் இருந்தது. ஆனால் இந்தப் படத்தைப் புரிந்துகொண்டு வேலை செய்தார். இப்படி அனைவரும் இந்தப் படத்தின் கதையைப் புரிந்துகொண்டு பணியாற்றினார்கள். அனைவருக்கும் நன்றி" என்றார்.

நிறைவாகத் தயாரிப்பாளர் அட்லீ பேசும்போது,

"எப்படி இருந்தாலும், எப்படிப் பேசினாலும் குற்றம் சொல்கிறார்கள். நான் திமிர் பிடித்தவன் என்கிறார்கள். நியாயமாக இருக்க வேண்டும்; கூட இருப்பவர்கள் நன்றாக இருக்க வேண்டும் என்று நினைப்பேன். அந்த நேர்மை, நம்பிக்கை திமிர் என்றால் இருக்கட்டும்.

பால் கெட்டுப் போனால், தயிராகும்போது அது மதிப்பு மிக்கதாக மாறுகிறது. தயிர் கெட்டுப் போனால், நெய்யாகும்போது அது மேலும் மதிப்பு மிக்கதாக மாறுகிறது. இப்படித்தான் வாழ்க்கையிலும் சில கெட்ட அனுபவங்களால் நாம் அடுத்த கட்டத்திற்குச் செல்வோம். கடவுள் வழி தவறவிட்டார் என்றால், அதற்கு ஒரு அர்த்தம் இருக்கும். அடுத்த கட்டத்திற்கு அழைத்துச் செல்கிறார் என்று அர்த்தம். அப்படிப்பட்ட பத்தாவின் அனுபவம்தான் இந்தப் படம்.

நான் நம்பிக்கையோடு இருக்கிறேன். அப்படி அதற்கு திமிர் என்றால் வைத்துக் கொள்ளுங்கள்.

நான் சின்ன வயதில் விஜய் சாரை வைத்துப் படம் இயக்குவேன் என்றால், யாரும் நம்ப மாட்டார்கள், சிரிப்பார்கள். ஷாருக்கானை வைத்துப் படம் இயக்குவேன் என்றால், யாரும் நம்ப மாட்டார்கள், சிரிப்பார்கள். அப்படித்தான் எனது ஒவ்வொரு கட்டமும் இருந்தது. இன்று பாலிவுட் வரை சென்று படம் இயக்கியிருக்கிறேன்.

நான் கறுப்பாக இருக்கிறேன், மதுரை பக்கத்தில் இருந்து வந்திருக்கிறேன். அதனால் சிலருக்குக் கேலியாகத் தெரியலாம். ஆனால் இதைப் பற்றி நான் கண்டுகொள்ளாமல் என் பாதையில் போய்க் கொண்டே இருப்பேன்.

இந்தப் படத்தைப் பொறுத்தவரை, நான் சொன்ன ஒரு சொல்லிற்காக வந்து இணைந்து கொண்ட தயாரிப்பாளர் முராத் கெதானிக்கு நன்றி.

சிலரை மறக்கவே முடியாது. அப்படிப்பட்டவர்தான் விஜய் சேதுபதி அண்ணன். அவர் நல்ல மனிதர், நல்ல நடிகர் என்பதைவிட, முதலில் நல்ல மனிதர். அவரைப் பார்த்து நிறைய கற்றுக்கொண்டிருக்கிறேன். அவரைப் பற்றி ரஜினி சார், ஷாரூக்கான் எல்லாம் பேசுகிறார்கள்.

இன்று விஜய் சேதுபதி அண்ணாவை இந்தியா முழுக்க தெரியும். அவரை நான் மேலும் மேலே கொண்டு செல்வேன். கமல் சார், விஜய் சேதுபதி அண்ணா இருவரையும் வைத்து வாய்ப்பு இருந்தால் ‘மருதநாயகம்’ படத்தினை மீண்டும் தொடங்கி எடுக்க வேண்டும் என்பது என்னுடைய ஆசை.

சாய் அப்யங்கர் கடவுளின் குழந்தை. அவரைப் பற்றிப் பலரும் பலவிதமாகப் பேசலாம். ஆனால் நாங்கள் லண்டன் சென்றபோது, ஹாலிவுட் படங்களில் பணியாற்றிய சுமார் 200 இசைக் கலைஞர்களையே இவரது இசைக் குறிப்புகளுக்கு வாசிக்கவைத்து, ஆச்சரியப்படுத்திக் கைதட்டல் வாங்கி வந்தவர். நான் இங்கு சொல்கிறேன், அவர் தமிழ்நாட்டின் பெருமைமிகு அடையாளமாக வளர்வார். இப்படம் வெற்றிப் பாதையில் சென்று கொண்டிருந்தாலும், மேலும் வெற்றிபெற வைக்க வேண்டும் என்று நான் மக்களைத் தேடிச் செல்கிறேன். அது குறைவானதல்ல. மக்களை நோக்கிச் செல்வது உயர்வான விஷயம்" என்றார்.

தியாகராஜா டாக்கீஸ் புதிய தயாரிப்பு நிறுவனத்தின் தொடக்க விழா!

 *தியாகராஜா டாக்கீஸ் புதிய தயாரிப்பு நிறுவனத்தின் தொடக்க விழா!*

*தியாகா குறிஞ்சிசெல்வன் – டாக்டர் ஆர். விஜயலட்சுமி தொடங்கிய புதிய தயாரிப்பு நிறுவனம்!*

திரைப்படத் தயாரிப்பாளர்கள் தியாகா குறிஞ்சிசெல்வன் மற்றும் டாக்டர் ஆர். விஜயலட்சுமி இணைந்து புதிய திரைப்படத் தயாரிப்பு நிறுவனத்தைத் தொடங்கியுள்ளனர். தியாகராஜா டாக்கீஸ் நிறுவனத்தின் தொடக்க விழா இன்று கோலாகலமாக நடைபெற்றது.

திரைப்படத் துறையில் புதிய முயற்சிகளை முன்னெடுக்கும் நோக்கில் தொடங்கப்பட்டுள்ள தியாகராஜா டாக்கீஸ் தயாரிப்பு நிறுவனத்தின் தொடக்க விழாவில் திரையுலகைச் சேர்ந்த பிரபலங்கள், இயக்குநர்கள், தயாரிப்பாளர்கள், நடிகர்கள் மற்றும் ஊடக நண்பர்கள் கலந்து கொண்டு சிறப்பித்தனர்.

இந்நிறுவனம் தயாரிக்கும் முதல் படத்தில் நடிகர் ஜெய் நாயகனாக நடிக்கிறார்.

தயாரிப்பாளர்கள் தியாகா குறிஞ்சிசெல்வன் மற்றும் டாக்டர் ஆர். விஜயலட்சுமி ஆகியோரின் புதிய முயற்சிக்கு திரையுலகினர் மற்றும் ஊடக நண்பர்கள் தங்களது வாழ்த்துகளைத் தெரிவித்தனர்.

இந்நிகழ்வினில்,

இயக்குநர் வெங்கட் பிரபு பேசியதாவது:

“குறிஞ்சி சாரை எனக்குப் பல ஆண்டுகளாகத் தெரியும். அவர் திரைப்படத் தயாரிப்புத் துறைக்கு சற்று தாமதமாக வந்திருந்தாலும், சரியான நேரத்தில் வந்திருக்கிறார். அவருடைய புதிய தயாரிப்பு நிறுவனத்தின் முதல் படத்தில் பணியாற்றும் இயக்குநர், ஒளிப்பதிவாளர் உள்ளிட்ட ஒட்டுமொத்தப் படக்குழுவினருக்கும், நடிகர் ஜெய் அவர்களுக்கும் என்னுடைய மனமார்ந்த வாழ்த்துகள்.

ஒரு திரைப்படத்தைத் திட்டமிட்ட பட்ஜெட்டுக்குள் முடிப்பதுதான் தயாரிப்பாளருக்கும் இயக்குநருக்கும் இடையிலான நல்ல உறவுக்கு மிகவும் முக்கியம். அதற்கு முன் தயாரிப்புப் பணிகளைச் சரியாகத் திட்டமிட வேண்டும். படத்தின் பட்ஜெட்டை முன்கூட்டியே முடிவு செய்து, அதற்கேற்ப பணிகளை மேற்கொண்டால் தேவையற்ற பிரச்சினைகளைத் தவிர்க்கலாம்.

தியாகராஜா டாக்கீஸ் நிறுவனத்திற்காகவும் ஒரு சிறப்பான பஞ்ச் லைன் கொடுத்திருக்கிறேன். எதிர்காலத்தில் இந்த நிறுவனத்தில் நாங்களும் படம் பண்ணத் தயாராக இருக்கிறோம். இந்த நிறுவனம் மிகப்பெரிய தயாரிப்பு நிறுவனமாக வளர்ந்து, பல இயக்குநர்கள், நடிகர்கள் மற்றும் தொழில்நுட்பக் கலைஞர்களுக்கு வாய்ப்பளித்து, அவர்களை அடுத்த கட்டத்திற்கு அழைத்துச் செல்ல வேண்டும். அதுதான் என்னுடைய ஆசை. குறிஞ்சி சார் இதை நிச்சயம் செய்வார் என்று நம்புகிறேன். அவருக்கு என்னுடைய அன்பும் ஆதரவும் எப்போதும் இருக்கும்” என்றார்.

நடிகரும் இயக்குநருமான சுந்தர் சி. பேசியதாவது:

“இந்த விழா எனக்கு மிகவும் நெருக்கமானது. தியாகா குறிஞ்சிசெல்வன் எனக்கு ஒரு நண்பர் மட்டுமல்ல, சகோதரர் போன்றவர். என்னுடைய குடும்பத்தில் நடக்கும் நல்லது, கெட்டது என எல்லா விஷயங்களிலும் முதலில் வந்து நிற்பவர். அவருடைய புதிய தயாரிப்பு நிறுவனத்தின் தொடக்கம் எனக்கு மிகுந்த மகிழ்ச்சியை அளிக்கிறது. அவருக்கு நாங்கள் அனைவரும் எப்போதும் பக்கபலமாக இருப்போம். குறிப்பாக, தனது அக்கா மகனுக்காக அவர் இந்தப் படத்தைத் தொடங்கியிருப்பது பாராட்டுக்குரியது. அவர் தன் மீது வைத்திருக்கும் நம்பிக்கையை அந்த இளைஞர் காப்பாற்ற வேண்டும். நம்மை நம்பி ஒருவர் பணத்தை முதலீடு செய்யும்போது, அதைச் சரியான முறையில் பயன்படுத்தி, அவருடைய நம்பிக்கையை நிறைவேற்ற வேண்டியது நம்முடைய பொறுப்பு. வாழ்க்கையில் பெரிய அளவில் வளர வேண்டும் என்று அந்தத் தம்பியை வாழ்த்துகிறேன்.”

“ஒரு தயாரிப்பாளராக இருப்பவர் ஆரம்பத்திலேயே இயக்குநருடன் படத்தின் பட்ஜெட் குறித்து வெளிப்படையாகவும் தெளிவாகவும் பேசிவிட வேண்டும். அதற்குப் பிறகு நண்பர்களாகப் பழகலாம். இயக்குநருடன் எவ்வளவு நெருக்கம் இருந்தாலும், படத்தின் திட்டமிடலில் உறுதியாக இருக்க வேண்டும். படப்பிடிப்பைத் தாமதமாகத் தொடங்கினாலும் பரவாயில்லை; ஆனால், முறையான திட்டமிடலுடன் தொடங்கி, திட்டமிட்டபடி படத்தை முடிப்பது மிகவும் முக்கியம். தயாரிப்பாளருக்கும் இயக்குநருக்கும் இடையிலான நட்பு நல்லதாக இருக்க வேண்டும்; அதே நேரத்தில் சரியான திட்டமிடலும் அவசியம்” என்றார்.

டாக்டர் ஐசரி கே. கணேஷ் பேசியதாவது:

“நான் என்னுடைய தந்தையின் பெயரில் வேல்ஸ் இன்டர்நேஷனல் நிறுவனத்தைத் தொடங்கிச் செயல்பட்டு வருகிறேன். அதேபோல், தியாகா குறிஞ்சிசெல்வன் தனது தந்தையின் பெயரில் தியாகராஜா டாக்கீஸ் நிறுவனத்தைத் தொடங்கியிருப்பது மகிழ்ச்சி அளிக்கிறது. பெற்றோரை மறக்காமல் அவர்களுக்கு மரியாதை செலுத்துபவர்கள் வாழ்க்கையில் நிச்சயம் உயர்வார்கள். அந்த வகையில், தியாகராஜா டாக்கீஸ் நிறுவனம் மிகப்பெரிய நிறுவனமாக வளரும் என்ற நம்பிக்கை எனக்கு இருக்கிறது. தியாகா குறிஞ்சிசெல்வன் தயாரிப்பாளராக வந்திருப்பது மிகவும் மகிழ்ச்சி. அவர் பல ஆண்டுகளுக்கு முன்பே தயாரிப்பாளராகியிருக்க வேண்டியவர். அப்போதே அவரைத் திரைப்படத் தயாரிப்பில் ஈடுபடுமாறு அழைத்தோம். இப்போது அவர் இந்த முயற்சியைத் தொடங்கியிருப்பது மகிழ்ச்சி அளிக்கிறது.

திரைப்படத் தயாரிப்பு என்பது மிகவும் கடினமான பணி. நீங்கள் மிகவும் நல்லவர் என்பதால், மற்றவர்கள் உங்களை ஏமாற்றிவிடாமல் கவனமாக இருக்க வேண்டும். தயாரிப்பில் ஒவ்வொரு விஷயத்தையும் நன்கு ஆராய்ந்து, திட்டமிட்டுச் செயல்படுங்கள். உங்கள் அக்கா மகனுக்காக இந்தப் படத்தைத் தொடங்கியிருக்கிறீர்கள். அவருடைய எதிர்காலத்தைக் கருத்தில் கொண்டு, இந்த வாய்ப்பை அவர் சரியாகப் பயன்படுத்திக்கொள்ள வேண்டும். சுந்தர் சி. ஏற்கெனவே பல நல்ல ஆலோசனைகளை வழங்கியிருக்கிறார். அவற்றைப் பின்பற்றி, படத்தைச் சிறப்பாக உருவாக்கி வெற்றிப் படமாக்க வேண்டும்.

நடிகர் ஜெய் அனைவருக்கும் பிடித்தமானவர். இந்தப் படத்தின் வெற்றிக்காக என்னுடைய வாழ்த்துகள். படக்குழுவுக்கு எங்களால் இயன்ற உதவிகளைச் செய்ய எப்போதும் தயாராக இருக்கிறோம். தியாகராஜா டாக்கீஸ் நிறுவனம் மிகப்பெரிய வளர்ச்சியை அடைய வேண்டும். இந்தப் படம் வெற்றிப் படமாக அமைய என்னுடைய மனமார்ந்த வாழ்த்துகள்” என்றார்.

நடிகர் இளவரசு பேசியதாவது:

“இந்த நிகழ்ச்சிக்கு வந்திருக்கும் உங்கள் அனைவரையும், இந்தப் படத்தில் பணியாற்றும் குழுவினர் என்ற முறையில் தயாரிப்பாளர் சார்பாக வரவேற்கிறேன். தம்பி பிரசன்னாவுக்குச் சரியான நேரத்தில் சரியான வாய்ப்பு கிடைத்திருக்கிறது. இந்த வாய்ப்பைப் பயன்படுத்தி, எதிர்காலத்தில் இந்த நிறுவனத்தில் பல புதிய திறமையாளர்கள் பணியாற்றுவதற்கான வாய்ப்புகளை உருவாக்குவது உங்கள் கையில்தான் இருக்கிறது.

ஒரு திறமையான கலைஞனை உருவாக்குவதிலும், பலருக்கு வாய்ப்பளிப்பதிலும் தயாரிப்பாளரின் பங்கு முக்கியமானது. சுந்தர் சி. சாரும், ஐசரி சார் அவர்களும் கூறிய ஆலோசனைகள் உங்களுக்குப் பயனுள்ளதாக இருக்கும். அனைவரும் ஒன்றிணைந்து இந்தப் படத்தை வெற்றிப் படமாக்க வேண்டும். தியாகராஜா டாக்கீஸ் நிறுவனம் வெற்றிகரமான தயாரிப்பு நிறுவனமாக வளர்வதில் நம் அனைவருக்கும் பங்கு இருக்கிறது. படக்குழுவினர் அனைவருக்கும் என்னுடைய வாழ்த்துகள். நன்றி, வணக்கம்” என்றார்.

தயாரிப்பாளர் சித்ரா லட்சுமணன் பேசியதாவது:

“‘தியாகராஜா டாக்கீஸ்’ என்ற பெயரைப் பார்த்ததும், தியாகா குறிஞ்சிசெல்வன் தனது தந்தையின் பெயரை நினைவுகூறும் வகையில் இந்த நிறுவனத்திற்குப் பெயர் வைத்திருக்கிறார் என்பது எனக்குத் தெரியவில்லை. ஐசரி கணேஷ் அவர்கள் பேசியபோதுதான் அந்த விவரம் தெரிந்தது. முதலில், அவர் மிகப்பெரிய சிவபக்தர் என்பதால், திருவாரூர் தியாகராஜரை நினைவுகூர்ந்து இந்தப் பெயரை வைத்திருக்கிறார் என்று நினைத்தேன்.

1931-ஆம் ஆண்டு தமிழ்த் திரைப்படங்கள் பேசத் தொடங்கிய காலகட்டத்திலிருந்து, தமிழ் சினிமாவின் முதல் சூப்பர் ஸ்டாராகத் திகழ்ந்தவர் தியாகராஜ பாகவதர். அந்தப் பெயருக்கும் இந்த நிறுவனத்தின் பெயருக்கும் ஒரு தொடர்பு இருப்பதைப் பார்க்கும்போது, தயாரிப்பாளராக மட்டுமல்லாமல், திரைத்துறையில் மிகப்பெரிய வெற்றியைப் பெறுவதற்கான ஓர் ஆசீர்வாதமாகவும் இதை எடுத்துக்கொள்ளலாம்.

தியாகா குறிஞ்சிசெல்வனைப் பற்றி இங்கு பேசிய அனைவருமே அவருடைய நட்பைப் பற்றிக் குறிப்பிட்டார்கள். நட்புக்கு இவ்வளவு முக்கியத்துவம் கொடுக்கக்கூடிய ஓர் அற்புதமான மனிதர் அவர். பல்வேறு துறைகளிலும் வெற்றி பெற்றுள்ள அவர், திரைப்படத் தயாரிப்பிலும் மிகப்பெரிய வெற்றியைப் பெற வேண்டும். தியாகராஜா டாக்கீஸ் நிறுவனம் பல வெற்றிப் படங்களைத் தயாரித்து, திரையுலகில் தனக்கென ஓர் இடத்தைப் பிடிக்க என்னுடைய வாழ்த்துகள்” என்றார்.

தயாரிப்பாளர் அம்மா கிரியேஷன்ஸ் T.சிவா பேசியதாவது:

“தியாகா குறிஞ்சிசெல்வன் சாருக்காகத்தான் இந்தக் கூட்டமே நடைபெற்றுக் கொண்டிருக்கிறது. அவருடைய தியாகராஜா டாக்கீஸ் நிறுவனம் மிகப்பெரிய வெற்றியைப் பெற்று, தமிழ் சினிமாவில் குறிப்பிடத்தக்க தயாரிப்பு நிறுவனமாக வளர வேண்டும். தம்பி பிரசன்னா ஒரு நல்ல படத்தைக் கொடுத்துவிட்டால், அதைத் தமிழ்நாடு முழுவதும் கொண்டு சேர்க்க தமிழ் சினிமா துறையே அவருக்குப் பக்கபலமாக நிற்கும். இந்தப் படத்திற்குக் கிடைக்கும் விளம்பரமும் ஆதரவும் மிகப்பெரிய அளவில் இருக்கும். தியாகா குறிஞ்சிசெல்வன் அழைத்தால் வரமாட்டேன் என்று சொல்லும் அளவுக்கு யாரும் இருக்க மாட்டார்கள். அந்த அளவுக்கு அவருக்குத் திரையுலகில் நட்பும் ஆதரவும் இருக்கிறது.

அதே நேரத்தில், படத்தின் தயாரிப்புச் செலவில் கவனமாக இருக்க வேண்டும். எவ்வளவு பெரிய பட்ஜெட்டிலும் படம் எடுக்க முடியும் என்றாலும், கதைக்குத் தேவையான அளவுக்கு மட்டுமே செலவு செய்து படத்தை உருவாக்க வேண்டும். குறிப்பாக, புதிய தயாரிப்பு நிறுவனம் என்பதால், பட்ஜெட்டுக்குள் படத்தை முடித்து வெற்றி பெறுவது மிகவும் முக்கியம். குறைந்த செலவில் தரமான படங்களைக் கொடுத்து வெற்றி பெறுவதன் மூலம் தயாரிப்பாளருக்கும் இயக்குநருக்கும் நல்ல பெயர் கிடைக்கும்.

இன்றைய காலகட்டத்தில் பல இயக்குநர்கள் சிறிய பட்ஜெட்டில் படங்களை உருவாக்கி வெற்றி பெற்று வருகின்றனர். அதேபோல், தியாகராஜா டாக்கீஸ் நிறுவனமும் நல்ல கதையைத் தேர்ந்தெடுத்து, திட்டமிட்ட செலவில் தரமான படத்தை உருவாக்க வேண்டும். அந்தப் படம் வெற்றி பெற்றால், ஒட்டுமொத்தத் திரையுலகமும் உங்களுக்குப் பின்னால் நிற்கும். தியாகா குறிஞ்சிசெல்வன் சாருக்கும் படக்குழுவினருக்கும் என்னுடைய வாழ்த்துகள்” என்றார்

முன்னாள் சட்டமன்ற உறுப்பினர் நந்தகுமார் பேசியதாவது:

“என்னுடைய நீண்ட நாள் நண்பரும், அன்புச் சகோதரருமான தியாகா குறிஞ்சிசெல்வன் திடீரென்று வாட்ஸ்அப்பில் தகவல் அனுப்பி, புதிய தயாரிப்பு நிறுவனம் தொடங்குவதாகக் கூறியபோது, எனக்கு ஆச்சரியமாக இருந்தது. அவர் இறங்காத துறையே இல்லை. அவரிடம் அன்பு, பாசம், நேசம் என அனைத்தும் நிறைந்திருக்கின்றன. அவருடன் ஒருநாள் பழகினால்கூட, நூறு ஆண்டுகளாகப் பழகிய உணர்வு ஏற்படும். இத்தனை திரையுலகப் பிரபலங்களும் அவரைப் பாராட்டுவதைப் பார்க்கும்போது, அவருடன் பழகிய நண்பர் என்ற முறையில் எனக்கு மிகுந்த மகிழ்ச்சியாக இருக்கிறது.

எந்தத் துறையில் ஒருவர் ஈடுபட்டாலும், அவருடைய நல்ல மனமும் நேர்மையான அணுகுமுறையும் அவருக்கு வெற்றியைத் தேடித்தரும் என்று நான் நம்புகிறேன். தியாகா குறிஞ்சிசெல்வன் திரைத்துறையிலும், அரசியல் துறையிலும் உள்ள பலரிடமும் அன்புடனும் நட்புடனும் பழகுபவர். தனது தந்தையின் பெயரை நினைவுகூரும் வகையில், ‘தியாகராஜா டாக்கீஸ்’ என்று தயாரிப்பு நிறுவனத்திற்குப் பெயர் வைத்திருப்பது, அவர் தனது தந்தையின் மீது கொண்டிருக்கும் அன்பையும் மரியாதையையும் வெளிப்படுத்துகிறது.

‘தியாகராஜா டாக்கீஸ்’ நிறுவனம் மிகப்பெரிய வெற்றியைப் பெற வேண்டும். இந்தப் படத்தின் இயக்குநர், தயாரிப்பாளர் மற்றும் படக்குழுவினர் அனைவருக்கும் என்னுடைய மனமார்ந்த வாழ்த்துகள். இந்த நிறுவனம் நல்ல நிலையை அடைந்து, பல வெற்றிப் படங்களைத் தயாரிக்க வேண்டும். நாங்கள் அனைவரும் உங்களுக்குப் பின்னால் உறுதுணையாக இருப்போம்” என்றார்.

பாடகி மாலதி பேசியதாவது:

“இன்று இங்கு பலரும் பல விஷயங்களைப் பற்றிப் பேசினார்கள். அதில் முக்கியமானது, நம்முடைய அன்புத் தம்பி தியாகா குறிஞ்சிசெல்வனைப் பற்றியது. உண்மையிலேயே இது ஒரு குடும்ப விழா போன்ற நிகழ்வு. இன்று அவர் ஒரு தயாரிப்பு நிறுவனத்தைத் தொடங்கியிருக்கிறார். ஆனால், ஆர்த்தி கூறியதைப் போல, அவர் பலருடைய இதயங்களிலும் அன்பு மலராக இடம்பிடித்திருக்கிறார். அவர் மட்டுமல்ல, அவருடைய குடும்பத்தினரும் அனைவரிடமும் அன்புடன் பழகக்கூடியவர்கள்.

இன்று தொடங்கப்பட்டுள்ள ‘தியாகராஜா டாக்கீஸ்’ நிறுவனம் பல வெற்றிப் படங்களைத் தயாரிக்கும் என்பதில் எனக்கு எந்தச் சந்தேகமும் இல்லை. தியாகா குறிஞ்சிசெல்வன் எப்போதும் அன்புடன் பழகுபவர். ‘எந்த உதவி என்றாலும் என்னிடம் கேளுங்கள்’ என்று மனதாரச் சொல்லக்கூடியவர். உதவி கேட்கும்போது விலகிச் செல்பவர்கள் மத்தியில், மற்றவர்களுக்கு உதவ வேண்டும் என்ற நல்ல உள்ளம் கொண்டவர் அவர். அவருடைய புதிய முயற்சி மிகப்பெரிய வெற்றியைப் பெற வேண்டும் என்று அனைவரின் சார்பாகவும் என்னுடைய மனமார்ந்த வாழ்த்துகளைத் தெரிவித்துக்கொள்கிறேன்” என்றார்

பாடகர் கிரிஷ் பேசியதாவது:

“இங்கு பலரும் தியாகா குறிஞ்சிசெல்வன் அவர்களைப் பாராட்டிப் பேசி, வாழ்த்துகளைத் தெரிவித்துள்ளனர். அவரைப் பற்றி இதற்கு மேலும் சொல்ல வேண்டியதில்லை. அவர் தொட்டதெல்லாம் வெற்றியாக அமைய வேண்டும். அவர் நீண்ட ஆயுளுடனும், நல்ல உடல்நலத்துடனும், ஆரோக்கியம், ஐஸ்வர்யம் என அனைத்தும் பெற்று மகிழ்ச்சியாக வாழ வேண்டும் என்று மனதார வேண்டிக்கொள்கிறேன். நன்றி” என்றார்.

இயக்குநர் மிஷ்கின் பேசியதாவது:

“நேற்றுதான் இந்த ஊருக்கு மீண்டும் வந்தேன். வந்தவுடன் கிடைத்த மகிழ்ச்சியான செய்தி, தியாகா குறிஞ்சிசெல்வன் தயாரிப்பாளராகி இருக்கிறார் என்பதுதான். சுமார் 15-20 ஆண்டுகளுக்கு முன்பு ஜப்பானில் அவரைச் சந்தித்தேன். அப்போது எனக்கு காலில் விபத்து ஏற்பட்டு காயமடைந்திருந்தது. அந்தச் சூழலில் எனக்கு உதவியாக இருந்து, என் காலில் இருந்த வலியைப் போக்கி, என் வாழ்க்கையிலேயே மறக்க முடியாத உதவியைச் செய்தவர் அவர். இன்று வரை எனக்குப் பணம் தேவைப்பட்டால், என் பாக்கெட்டிலும் வங்கிக் கணக்கிலும் பார்ப்பதற்கு முன்பாக அவரிடம் இருக்கிறதா என்றுதான் பார்ப்பேன். அந்த அளவுக்கு எங்களுக்குள் அன்பும் நெருக்கமும் இருக்கிறது. மிகவும் எளிமையான வாழ்க்கையிலிருந்து வந்த அவர், இன்றுவரை தனது இயல்பை மாற்றிக்கொள்ளவில்லை. யாராவது உதவி கேட்டால், தன்னால் இயன்றதைச் செய்யத் தயங்காதவர். ஜப்பானுக்குச் சென்றால் என்னைச் சந்தித்து, காலை எட்டு மணிக்குத் தொடங்கி இரவு எட்டு மணி வரை என்னுடன் நேரம் செலவிடுவார். எத்தனை பேர் வந்தாலும் சலிப்பில்லாமல் அனைவரையும் கவனித்துக்கொள்வார். அப்படிப்பட்ட மனிதர் இப்போது திரைப்படத் தயாரிப்பில் இறங்கியிருப்பது மகிழ்ச்சியையும் அதே நேரத்தில் கவலையையும் தருகிறது. ஏனென்றால், சினிமா என்பது பல சவால்கள் நிறைந்த காடு. ஆனால், சினிமா ஒரு மகத்தான கலை. அந்தக் கலையில் அவர் வெற்றி பெற வேண்டும்.

இளையராஜா மீது எனக்கு எவ்வளவு அன்பு இருக்கிறதோ, அதே அளவுக்கு அவருக்கும் இருக்கிறது. அவருடைய பாடல்களை மிகவும் நேசிப்பவர். சில நேரங்களில் அவர் பாடுவதைக் கேட்டு நாங்கள் சிரித்தாலும், அந்த அன்புதான் எங்களுக்குள் இருக்கிறது. அவருடைய இந்த இயல்பை அடிப்படையாகக் கொண்டு, நான் எழுதிக்கொண்டிருக்கும் கதையில் ஒரு கதாபாத்திரத்தையே உருவாக்கியிருக்கிறேன்.

சினிமாவுக்கு அப்பாற்பட்டு, மனிதர்களுக்கு உதவுவதில் அவருக்கு இருக்கும் மனப்பான்மை மிகவும் உயர்ந்தது. பலருக்கும் பிடித்தமான மனிதராகவும், நண்பர்களுக்கு உறுதுணையாகவும் இருந்து வருகிறார். பணத்தால் வாங்க முடியாத அன்பையும் நட்பையும் அவர் சம்பாதித்திருக்கிறார். அவருடைய குடும்பத்தினர் மீதும் அவருக்கு அளவற்ற பாசம் இருக்கிறது. தனது அக்கா மகனுக்காக அவர் தயாரிப்பில் இறங்கியிருப்பது மிகுந்த மகிழ்ச்சியைத் தருகிறது. இந்தப் படத்தின் மூலம் அந்த இளைஞர் தனது திறமையை நிரூபிக்க வேண்டும்.

இந்தப் படம் மிகப்பெரிய பிரம்மாண்டமான முயற்சியாக இல்லாமல், எளிமையான நகைச்சுவையுடன் கூடிய படமாக உருவாகிறது. தனது மாமா தன் மீது வைத்திருக்கும் நம்பிக்கையைக் காப்பாற்ற வேண்டும் என்ற பொறுப்புணர்வுடன் அந்த இளைஞர் செயல்படுகிறார். நானும் இந்தப் படத்தில் பணியாற்ற இருக்கிறேன். என்னுடைய உதவியாளர் ஈஸ்வரி இப்படத்தில் இணை இயக்குநராகப் பணியாற்றுகிறார். கடுமையாக உழைக்கக்கூடிய ஒரு பெண்ணும் இப்படத்தில் இணை இயக்குநராகப் பணியாற்றுவது மகிழ்ச்சி அளிக்கிறது. இந்தப் படத்திற்குத் தேவையான உதவிகளைச் செய்ய நானும் தயாராக இருக்கிறேன்.

 திரைப்படம் என்பது இரண்டரை மணி நேரம் பொழுதுபோக்குவது மட்டுமல்ல; அது நமது வாழ்க்கையோடு கலந்த ஒரு கலை. சிவாஜி, சாவித்திரி, ரஜினி, ஸ்ரீதேவி போன்ற கலைஞர்கள் நமது வாழ்வில் ஏற்படுத்திய தாக்கம் அளப்பரியது. அப்படிப்பட்ட கலையின் மீது அன்பு கொண்ட தியாகா குறிஞ்சிசெல்வன் இந்தப் புதிய முயற்சியில் வெற்றி பெற வேண்டும். அவருக்கும், படக்குழுவினருக்கும் என்னுடைய மனமார்ந்த வாழ்த்துகள்” என்றார்.

நடிகர் மோகன் பேசியதாவது.., 

“இந்த விழா எங்களுக்கெல்லாம் ஒரு குடும்ப விழா மாதிரி. தயாரிப்பாளர் குறிஞ்சிசெல்வன், விஜயலட்சுமி உள்ளிட்ட அனைவருடனும் நாங்கள் குடும்பமாகத்தான் பழகி வருகிறோம். இந்தப் புதிய தயாரிப்பு நிறுவனம் மிகப்பெரிய வெற்றியைப் பெற வேண்டும் என்று ஆசைப்படுகிறேன்.

90-களில் சூப்பர் குட் சௌத்ரி என்று அழைக்கப்பட்ட தயாரிப்பாளர் ஆர்.பி. சௌத்ரி, நல்ல கதையம்சம் கொண்ட படங்களைத் தயாரித்து நூறு படங்கள் வரை வெற்றிகரமாகப் பயணித்தார். அவரைப் போலவே இவர்களும் வளர வேண்டும். தொடர்ந்து வெற்றிப் படங்களைக் கொடுக்க வேண்டும். கதைக்கு முக்கியத்துவம் அளிக்கும் படங்களைத் தயாரித்து வெற்றி பெற வேண்டும் என்று வாழ்த்துகிறேன்; அதற்காகப் பிரார்த்தனையும் செய்கிறேன்.

இந்தக் கதை மிகவும் நன்றாக இருப்பதாகக் கூறினார்கள். பிரசன்னா, ஜெய் இருவருக்கும் எனது வாழ்த்துகள். இது ஒரு அற்புதமான குழு. அனைவருக்கும் எனது வாழ்த்துகள். இறைவன் அனைவரையும் ஆசீர்வதிக்கட்டும்”. 

நடிகர் சூரி பேசியதாவது:

“குறிஞ்சிசெல்வன் அண்ணனுடனான எனது நெருக்கமான உறவைப் பற்றிச் சொல்ல வேண்டும். இங்கு வந்திருக்கும் அனைவருமே இந்தக் குடும்பத்தின் மீது கொண்ட அன்பினால்தான் வந்திருக்கிறார்கள். அரசியல் தலைவர்கள், தொழிலதிபர்கள், சினிமா துறையினர் எனப் பலருடனும் அண்ணனுக்கு நல்ல நட்பு இருக்கிறது. யார் அழைத்தாலும் உடனே சென்று நிற்கக்கூடியவர். அனைவரிடமும் அன்பாகப் பழகுவார். அந்த அன்புதான் இன்று இத்தனை பேரை இங்கு ஒன்றிணைத்திருக்கிறது.

புதிய தயாரிப்பு நிறுவனம் தொடங்கப்போவதாக அண்ணன் என்னிடம் சொன்னபோது மிகவும் மகிழ்ச்சியாக இருந்தது. சுந்தர் சண்முகம் உள்ளிட்டோரின் ஆதரவும் வழிகாட்டுதலும் இந்த முயற்சிக்குப் பக்கபலமாக இருக்கும். இந்த நிறுவனம் முதல் படத்திலிருந்து நூறாவது படம் வரை தொடர்ந்து நல்ல படங்களைத் தயாரித்து, தமிழ் சினிமாவில் வலுவான இடத்தைப் பிடிக்க வேண்டும்.

பிரசன்னாவை இருபது ஆண்டுகளுக்கு முன்பே எனக்குத் தெரியும். இத்தனை ஆண்டுகள் கடந்தும் அவர் தோற்றத்தில் பெரிதாக மாற்றமில்லை. ஹீரோவாக மட்டும் பெரிய அளவில் வளர்ந்திருக்கிறார். அவருக்கு எனது வாழ்த்துகள். தன்னுடைய பிள்ளைகள் வளர வேண்டும் என்று பெற்றோர் நினைப்பதைப் போல, மற்றவர்களும் வளர வேண்டும் என்ற அக்கறையுடன் குறிஞ்சிசெல்வன் அண்ணன் இந்த முயற்சியை முன்னெடுத்திருப்பது மகிழ்ச்சியளிக்கிறது. இந்த நிறுவனம் மிகப்பெரிய வளர்ச்சியைப் பெற்று, தொடர்ந்து வெற்றிப் படங்களை வழங்க வேண்டும். இறைவனும் இயற்கையும் எப்போதும் துணையாக இருக்கட்டும். எனது மனமார்ந்த வாழ்த்துகள்” என்று தெரிவித்தார்.

இயக்குநர் பிரசன்னா  பேசியதாவது.., 

நினைத்த மாதிரி இந்தப் ப்ராஜெக்ட்டைக் கொண்டுவர வேண்டும். அதற்காக நிச்சயமாக என்னுடைய 100 சதவீத உழைப்பையும் கொடுப்பேன். திட்டமிட்டபடி இந்தப் பணியைச் செய்து முடிப்பேன். படம் முடிந்த பிறகு இதைப் பற்றி விரிவாகப் பேசுகிறேன். இந்தப் படம் நிச்சயம் வெற்றி பெறும் என்ற நம்பிக்கை இருக்கிறது. மீண்டும் ஒருமுறை எனது வாழ்த்துகளைத் தெரிவித்துக் கொள்கிறேன்

நடிகர் ஜெய் பேசியதாவது.., 

“அனைவருக்கும் வணக்கம். இந்தப் படத்தின் மூலம் தயாரிப்பாளர் குறிஞ்சிசெல்வனுடன் இணைந்து பணியாற்றுவது மிகவும் மகிழ்ச்சியாக இருக்கிறது. குறிஞ்சிசெல்வன் என்றாலே எனக்கு ஜப்பான் என்றுதான் நினைவுக்கு வரும். அந்த அளவுக்கு அவரை ஜப்பான் குறிஞ்சி என்று அழைக்கும் பழக்கம் ஏற்பட்டுவிட்டது. மிகவும் நல்ல மனம் கொண்டவர். அவருடைய தயாரிப்பில் முதல் படத்தில் பணியாற்றுவது மகிழ்ச்சி அளிக்கிறது.

இந்தப் படம் ரசிகர்கள் அனைவருக்கும் பிடிக்கும் வகையில் உருவாக வேண்டும் என்பதற்காக இயக்குநர் உள்ளிட்ட படக்குழுவினர் அனைவரும் கடினமாக உழைத்து வருகிறோம். இந்தப் படம் பெரிய அளவில் வெற்றி பெற வேண்டும் என்பதற்காகக் கூடுதல் முயற்சிகளையும் மேற்கொண்டு வருகிறோம். நாங்கள் அனைவரும் நெருங்கிய நட்பு வட்டத்தில் இருப்பதால், இந்தப் படம் எந்தக் குறையும் இல்லாமல் சிறப்பாக உருவாக வேண்டும் என்பதில் கவனமாக இருக்கிறோம். தயாரிப்பாளர் இந்த முயற்சியில் வெற்றி பெற்றால், எதிர்காலத்தில் இன்னும் பல இயக்குநர்களுக்கு வாய்ப்பளிக்க முடியும். இந்தப் படம் நல்ல முறையில் வெளியாக அனைவரும் ஆதரவு அளிக்க வேண்டும்” நன்றி

தயாரிப்பாளர் A M பிரபாகரன் பேசியதாவது:

“என்னுடைய தாய்மாமா தியாகா குறிஞ்சிசெல்வன், தனது தந்தை தியாகராஜன் அவர்களின் பெயரில் தியாகராஜா டாக்கீஸ் என்ற திரைப்படத் தயாரிப்பு நிறுவனத்தைத் தொடங்கியிருப்பது மிகுந்த மகிழ்ச்சி அளிக்கிறது. என்னுடைய தாத்தா வள்ளலாரின் மீது மிகுந்த பக்தி கொண்டவர். வள்ளலார் பிறந்த நாளான இன்று, அவருடைய பெயருடன் தொடர்புடைய இந்த நல்ல முயற்சி தொடங்கப்பட்டிருப்பது தற்செயலாக அமைந்திருந்தாலும், இது அருளும் கருணையும் நிறைந்த தருணமாகவே எனக்குத் தோன்றுகிறது. ‘அருட்பெருஞ்ஜோதி, தனிப்பெருங்கருணை’ என்று சொல்வார்கள். அப்படிப்பட்ட அருளும் கருணையும் நிறைந்த நாளில், என்னுடைய தாய்மாமாவின் புதிய முயற்சிக்காக அவருடைய நண்பர்கள், உறவினர்கள் எனப் பலரும் இங்கு வந்து வாழ்த்துவதும் ஆசீர்வதிப்பதும் எனக்கு மிகுந்த மகிழ்ச்சியை அளிக்கிறது.

நான் என்னுடைய தாத்தா தியாகராஜன், பாட்டி விமலா ஆகியோரிடம்தான் வளர்ந்தேன். என்னுடைய தாய் மாமா எப்போதும் குடும்பத்தினர் அனைவரையும் இணைக்கும் பாலமாக இருந்திருக்கிறார். உறவினர்கள் அனைவரையும் அன்புடனும் மகிழ்ச்சியுடனும் ஒன்றிணைத்து வைத்திருப்பவர் அவர். அவருடைய அன்பையும் ஆதரவையும் அருகிலிருந்து பார்த்து வளர்ந்தவன் நான். இன்று அவர் திரைப்படத் தயாரிப்பில் இறங்கியிருப்பதும், இந்தப் புதிய முயற்சியில் என்னுடைய அக்கா டாக்டர் விஜயலட்சுமியும் அவருடன் இணைந்திருப்பதும் மகிழ்ச்சியளிக்கிறது.

இந்தப் படம் சிறப்பாக உருவாகி வெற்றி பெற வேண்டும். இயக்குநர் உள்ளிட்ட படக்குழுவினர் அனைவரும் தங்களுடைய திறமையை நிரூபித்து, பல வெற்றிப் படங்களை உருவாக்க வேண்டும். இந்த முயற்சிக்கு உறவினர்கள் மட்டுமல்லாமல் நண்பர்கள், திரையுலகினர் என அனைவரின் ஆதரவும் ஆசீர்வாதமும் தேவை.

பொதுவாகத் திரைத்துறையில் ஒருவர் வெற்றி பெற்றால், அவருடைய தனிப்பட்ட உழைப்பைப் பற்றிப் பேசுவார்கள். ஆனால், அந்த வெற்றிக்குப் பின்னால் குடும்பத்தினர், நண்பர்கள் எனப் பலருடைய ஆதரவும் இருக்கிறது. அனைவரும் ஒன்றிணைந்துதான் ஒருவருடைய வளர்ச்சிக்கு வெளிச்சம் கொடுக்க முடியும். என்னுடைய தாய் மாமா பல இயக்குநர்களையும் கலைஞர்களையும் உருவாக்குவதற்கு ஆதரவாக இருந்திருக்கிறார். அவர் மீது எனக்கு மிகுந்த நம்பிக்கை இருக்கிறது. ஏதேனும் பிரச்சினைகள் ஏற்பட்டால், என் குருநாதரிடம் ஆலோசனை கேட்பதைப் போல அவரிடமும் சென்று பேசுவேன். அப்போது, ‘நீ உனக்கு உண்மையாக இருந்தால், இயற்கை உன்னை எப்போதும் பாதுகாக்கும்’ என்று அவர் கூறுவார். அந்த வார்த்தைகள் எனக்கு மிகுந்த நம்பிக்கையைக் கொடுத்திருக்கின்றன.

தமிழ்ச் சமூகத்தில் தாய்மாமா என்பவருக்கு எப்போதுமே தனி இடம் உண்டு. தந்தைக்கு அடுத்தபடியாக, ஒரு குழந்தையின் கண்ணீரைத் துடைத்து, அந்தக் குழந்தையைத் தன்னுடைய பிள்ளையாக நினைத்து அன்பு செலுத்துபவர் தாய்மாமா. அப்படிப்பட்ட அன்பான தாய் மாமா எனக்குக் கிடைத்திருப்பது என் வாழ்வின் மகிழ்ச்சியான விஷயம். தியாகராஜா டாக்கீஸ் நிறுவனம் மிகப்பெரிய வெற்றியைப் பெற வேண்டும். இந்தப் படம் வெற்றி பெற்று, தொடர்ந்து பல நல்ல படங்களை உருவாக்குவதற்கான வாய்ப்புகளை ஏற்படுத்த வேண்டும். என்னுடைய தாய் மாமா தியாகா குறிஞ்சிசெல்வன் மற்றும் டாக்டர் விஜயலட்சுமி இருவருக்கும், படக்குழுவினர் அனைவருக்கும் என்னுடைய மனமார்ந்த வாழ்த்துகள்.

தயாரிப்பாளர் தியாகா குறிஞ்சிசெல்வன் பேசியதாவது:

“இங்கு வந்திருக்கும் அனைவருக்கும் என் அன்பான வணக்கங்கள். என்னுடைய பெற்றோருக்கு முதலில் நன்றியைத் தெரிவித்துக்கொள்கிறேன். என்னை இந்த உலகத்திற்குக் கொண்டு வந்த அவர்களுக்கு நன்றி சொல்வதைவிட, அவர்களை எப்போதும் மனதில் வைத்துப் போற்றுவதுதான் முக்கியம். இன்று நான் இந்த மேடையில் நிற்கிறேன் என்றால், அதற்கு முக்கியக் காரணம் என்னுடைய குருநாதர் சுரேஷ் சுப்ரமணியன் அவர்கள்தான். என்னுடைய வாழ்க்கைப் பயணத்தில் எனக்கு வழிகாட்டி, இந்த நிலைக்கு வருவதற்கான அடித்தளத்தை அமைத்துக் கொடுத்தவர் அவர். அவர் ஏற்றிவைத்த அந்த விளக்கு அணைந்துவிடாமல் தொடர்ந்து ஒளிரச் செய்வதில் என்னுடைய மனைவி டாக்டர் விஜயலட்சுமிக்கு மிகப்பெரிய பங்கு இருக்கிறது. எனக்கு வழிகாட்டிய மாமாவுக்கும், என்னுடன் பயணித்து இந்த அளவுக்கு வளர்ச்சியடைய உறுதுணையாக இருந்த விஜயலட்சுமிக்கும், என்னுடைய பெற்றோர் ராஜமாலிகம், ஜானகி அம்மா ஆகியோருக்கும் இந்த நேரத்தில் என் மனமார்ந்த நன்றியைத் தெரிவித்துக்கொள்கிறேன்.

இன்று இங்கு வந்திருக்கும் பலரும் என்னை வாழ்த்தியதோடு மட்டுமல்லாமல், திரைப்படத் தயாரிப்பில் இருக்கும் சவால்கள் குறித்தும் எச்சரித்திருக்கிறார்கள். அவர்கள் கூறிய ஆலோசனைகளை நான் நிச்சயமாக மனதில் வைத்துக்கொள்வேன். தவறுகள் ஏற்பட்டாலும், எதிர்பார்த்தபடி படம் அமையாவிட்டாலும், எங்களைக் கைவிடாமல் வழிகாட்டுவதற்கும் எங்கள் கைகளைப் பிடித்துக் கொண்டு முன்னே அழைத்துச் செல்வதற்கும் இவ்வளவு பெரிய நண்பர்கள் பட்டாளம் பின்னால் இருக்கிறது என்ற நம்பிக்கைதான் இந்த முயற்சியில் இறங்குவதற்கான மிகப்பெரிய பலம். எனவே, நிச்சயமாக இந்தப் பயணத்தில் வெற்றியை நோக்கித்தான் முன்னேறுவோம்.

இந்தப் படம் வெற்றி பெறும் நாளில், இங்கு வந்திருக்கும் ஒவ்வொருவருக்கும் தனித்தனியாக நன்றி சொல்ல வேண்டும் என்று ஆசைப்படுகிறேன். அனைவருக்கும் என் மனமார்ந்த நன்றி.

இந்த நிகழ்ச்சியை இவ்வளவு சிறப்பாக ஏற்பாடு செய்த யுவராஜ் உள்ளிட்ட அனைவருக்கும் என் நன்றியைத் தெரிவித்துக்கொள்கிறேன். இந்தப் புதிய முயற்சிக்கு உறுதுணையாக இருக்கும் நண்பர்கள், உறவினர்கள் மற்றும் திரையுலகைச் சேர்ந்த அனைவருக்கும் நன்றி. உங்கள் அன்பும் ஆதரவும் தொடர்ந்து எங்களுடன் இருக்க வேண்டும். உங்கள் அனைவரின் ஆசீர்வாதத்துடனும் ஆதரவுடனும் தியாகராஜா டாக்கீஸ் நிறுவனம் பல வெற்றிப் படங்களைத் தயாரிக்கும் என்ற நம்பிக்கை எனக்கு இருக்கிறது. நன்றி, வணக்கம்.”

சிக்மா’ திரைப்படம் தமிழ் திரையுலகில் எனக்கு மீண்டும் புதிய தொடக்கத்தை கொடுத்துள்ளது”- நடிகர் ஷிவ் பண்டிட்!

 *“‘சிக்மா’ திரைப்படம் தமிழ் திரையுலகில் எனக்கு மீண்டும் புதிய தொடக்கத்தை கொடுத்துள்ளது”- நடிகர் ஷிவ் பண்டிட்!*

வசீகரமான தோற்றம் மற்றும் திறமையான நடிப்பு என ’லீலை’ திரைப்படத்தின் கதாநாயகனாக அனைவரையும் கவர்ந்தவர் நடிகர் ஷிவ் பண்டிட். விஷ்ணுவர்தன் இயக்கிய ‘நேசிப்பாயா’ படத்தின் மூலம் மீண்டும் தமிழ் சினிமாவில் ரீ-எண்ட்ரி கொடுத்த ஷிவ் பண்டிட், தற்போது லைகா புரொடக்ஷன்ஸ் தயாரிப்பில், ஜேசன் சஞ்சய் இயக்கத்தில் வெளியான ‘சிக்மா’ படத்தில் முற்றிலும் மாறுபட்ட கதாபாத்திரத்தில் நடித்துள்ளார். வின்சென்ட் என்ற கிரே ஷேட் கதாபாத்திரத்தில் நடித்திருக்கும் ஷிவ் பண்டிட், ஆக்‌ஷன்–அட்வென்ச்சர் ஹெய்ஸ்ட் த்ரில்லருக்கு புதிய பரிமாணத்தைச் சேர்த்துள்ளார். இதன் மூலம் தமிழ் சினிமாவில் தனது பயணத்தை மீண்டும் உற்சாகமாக தொடங்கியுள்ளார். 

இதுகுறித்து ஷிவ் பண்டிட் பகிர்ந்து கொண்டதாவது, “கிட்டத்தட்ட 20 ஆண்டுகளாக நடித்து வருகிறேன். 2002 ஆம் ஆண்டு முதன்முதலில் கேமரா முன்பு நின்றேன். ஆனால் நடிப்பு மீதான எனது பயணம் உண்மையில் நான் ஒன்பது வயதாக இருந்தபோதே தொடங்கிவிட்டது. நாடகம், நாடகப் பயிற்சிப் பட்டறைகள் மற்றும் மேடை நிகழ்ச்சிகள் மூலம் நடிப்பைக் கற்றுக்கொண்டேன். அதன்பிறகு மூன்று ஆண்டுகள் ரேடியோ ஜாக்கியாக பணியாற்றினே. அந்த அனுபவம்தான் குரல் ஏற்ற இறக்கம் மற்றும் தகவல் தொடர்பு குறித்து எனக்கு நிறைய கற்றுக் கொடுத்தது. நான் ஒருபோதும் மெயின்ஸ்ட்ரீம் நடிகராக வருவேன் என்று நினைத்ததில்லை. ஆனால், பிஜாய் நம்பியார் இயக்கத்தில், அனுராக் காஷ்யப் தயாரித்த ‘ஷைத்தான்’ திரைப்படத்தின் மூலம் அறிமுகமானேன். அந்தப் படத்திற்காக ஃபிலிம்ஃபேர் சிறந்த அறிமுக நடிகருக்கான விருதுக்கு பரிந்துரைக்கப்பட்டேன்.

அதன்பிறகு பல திரைப்படங்கள் மற்றும் விளம்பரங்களில் நடித்தேன். ‘லீலை’தான் எனது முதல் தமிழ் திரைப்படம். அந்தப் படம் வெளியான நேரத்தில் பெரிய அளவில் திரையரங்க வெளியீடு கிடைக்கவில்லை என்றாலும், எனக்கென தனி ரசிகர்கள் பட்டாளம் அந்த திரைப்படத்தின் மூலம் கிடைத்தது. பல ஆண்டுகளுக்குப் பிறகும் ரசிகர்கள் அந்தப் படத்தின் பாடல்கள் மற்றும் பின்னணி இசையைப் பாராட்டினர். இன்றும் ‘லீலை’ திரைப்படத்திற்கென தனி ரசிகர் கூட்டம் உள்ளது. அதனால், தமிழ் சினிமாவில் மீண்டும் நடிப்பது உற்சாகமாக உள்ளது” என்றார்.

மேலும் அவர் கூறுகையில், “சமூக வலைதளங்களில், குறிப்பாக ‘லீலை’ மற்றும் நான் நடித்த மற்ற படங்கள் தொடர்பாக என்னைப் பற்றி உருவாகியிருந்த கவனத்தை ஜேசன் சஞ்சய் கவனித்திருக்கிறார். ‘சிக்மா’ படத்தில் என்னை நடிக்க வைப்பது சுவாரஸ்யமாக இருக்கும் என்று அவர் நினைத்துள்ளார். அப்படித்தான் கிரே ஷேட் கொண்ட வின்சென்ட் கதாபாத்திரம் என்னிடம் வந்தது. ஒரு சூதாட்ட கிளப்பை நடத்தி வருபவன் வின்செண்ட். தனது நண்பர் எழில் மூலமாக சில சட்டவிரோத நடவடிக்கைகளில் அவன் ஈடுபடுகிறான். இந்த சுவாரஸ்யமான கதாபாத்திரத்தில் மிகவும் விரும்பி நடித்தேன். ‘சிக்மா’ விறுவிறுப்பான ஆக்‌ஷன் அட்வென்ச்சர் ஹெய்ஸ்ட் திரைப்படம். இதில் நடித்ததில் எனக்கு பெருமை. ஜேசன் அர்ப்பணிப்புடன் கூடிய கடின உழைப்பை இந்தப் படத்திற்காக கொடு்த்திருக்கிறார். அவர் ஒரு மிகச் சிறந்த  இயக்குநர் மட்டுமல்ல, அற்புதமான மனிதரும் கூட! ஜேசன் இப்போது எனக்கு குடும்பத்தில் ஒருவரைப் போல ஆகிவிட்டார். வின்சென்ட் கதாபாத்திரத்தில் என்னை நம்பி நடிக்க வைத்ததற்காக நான் மிகவும் மகிழ்ச்சியடைகிறேன். சந்தீப் கிஷன் மற்றும் ஒட்டுமொத்த படக்குழுவினருடனும் பணியாற்றியது எனக்கு மிகச் சிறந்த அனுபவமாக இருந்தது” என்றார். 

அக்டோபர் 2 ஆம் தேதி உலகம் முழுவதும் வெளியான ஆக்‌ஷன் அட்வென்ச்சர் திரைப்படமான ‘சிக்மா’ திரையரங்குகளில் வெற்றிகரமாக ஓடிக்கொண்டிருக்கிறது. இப்படத்தில் சந்தீப் கிஷன், ஃபரியா அப்துல்லா, ராஜு சுந்தரம், சம்பத் ராஜ், ஷிவ் பண்டிட், அன்பு தாசன், யோக் ஜேபி, மகாலட்சுமி, ஷீலா ராஜ்குமார், கமலேஷ் மற்றும் கிரண் கொண்டா உள்ளிட்டோர் நடித்துள்ளனர். ஜேசன் சஞ்சய் இயக்கியுள்ள இப்படத்திற்கு தமன் எஸ் இசையமைத்துள்ளார். கிருஷ்ணன் வசந்த் ஒளிப்பதிவு செய்துள்ளார். பிரவீன் கே.எல் படத்தொகுப்பு பணிகளை மேற்கொண்டுள்ளார். சஞ்சீவ் கிரியேட்டிவ் தயாரிப்பாளராக பணியாற்றியுள்ளார். லைகா புரொடக்‌ஷன்ஸ் பேனரின் கீழ் சுபாஸ்கரன் இப்படத்தை தயாரித்துள்ளார்.

Sigma’ Marks an Exciting New Phase in My Tamil Cinema Journey” – Actor Shiv Panditt

 *“‘Sigma’ Marks an Exciting New Phase in My Tamil Cinema Journey” – Actor Shiv Panditt*

_*Shiv Panditt Returns in a Full-Fledged, Grey-Shaded Role as Vincent in Jason Sanjay’s Action-Adventure Heist Thriller.*_

Handsome, charismatic and backed by a strong fan following among Tamil audiences, actor Shiv Panditt continues to retain a special connection with viewers, with his performance in Leelai remaining fondly remembered even years after its release. After making his presence felt in Tamil cinema once again with Vishnuvardhan’s Nesippaya, the actor now returns in a full-fledged and strikingly different role with Sigma, directed by Jason Sanjay and produced by Lyca Productions. Playing the grey-shaded Vincent, Shiv Panditt brings a fresh dimension to the action-adventure heist thriller, marking an exciting new phase in his Tamil film journey.

Speaking about his journey and experience of returning to Tamil cinema with Sigma, Shiv Panditt says, “I have been acting for about 18-20 years. I first faced the camera in 2002, but my journey with performance actually began when I was nine, through theatre, drama workshops and stage performances. Later, my experience as a radio jockey for two to three years taught me a lot about voice modulation, expression and communication. I never really thought I would become a mainstream actor, but eventually I made my debut with Shaitan, directed by Bijoy Nambiar and produced by Anurag Kashyap. I was nominated for a Filmfare Award for Best Male Debut, and after that I went on to do several films and advertisements. Leelai was my first Tamil film, and although it did not get a major theatrical release at the time, the film eventually found a special place among audiences online. People discovered it years later, appreciated the songs and BGM, and it continues to have its own following. So, coming back to Tamil cinema in a substantial role has been particularly exciting for me.”

He adds, “Jason Sanjay noticed the buzz around me on social media, especially for Leelai and my other work, and felt that casting me in Sigma would be interesting. That is how Vincent came into the picture. Vincent is a very grey character. He is ambitious, owns a gambling club and gets drawn into certain nefarious activities through his friend Elil. I really enjoyed exploring that space. Sigma is a very fast-paced action-adventure heist, and I am extremely proud to be part of it. Jason has worked incredibly hard and is a very professional filmmaker and a wonderful human being. He has created the film with tremendous commitment, and I am very happy that he trusted me with Vincent. I have also had a wonderful experience working with Sundeep Kishan and the entire team. Jason has become like family to me, and that makes being part of Sigma even more special.”

Released worldwide on October 2, Sigma has begun its theatrical run as a fast-paced action-adventure heist thriller, with its youthful energy, action and racy narrative bringing a distinct flavour to the big screen. The film stars Sundeep Kishan, Faria Abdullah, Raju Sundaram, Sampath Raj, Shiv Panditt, Anbu Thasan, Yog Japee, Magalakshmi, Sheela Rajkumar, Kamalesh and Kiran Konda. Sigma is directed by Jason Sanjay, with music by Thaman S, cinematography by Krishnan Vasant, editing by Praveen KL and Sanjeev as Creative Producer. Presented by Subaskaran under the Lyca Productions banner, the film is currently running in theatres.

டோரதி’ என் மனதுக்கு நெருக்கமான திரைப்படம்” -நடிகை கீர்த்தி சுரேஷ்!

 *“ ‘டோரதி’ என் மனதுக்கு நெருக்கமான திரைப்படம்” -நடிகை கீர்த்தி சுரேஷ்!*

நடிகை கீர்த்தி சுரேஷின் திரைப்பயணத்தில் ‘மகாநதி’ திரைப்படம் இன்றளவும் மிக முக்கியமான திரைப்படமாக உள்ளது. அந்த வரிசையில், அவர் நடித்திருக்கும் ‘டோரதி’ திரைப்படமும் இணைந்துள்ளது. இப்படத்தில் கீர்த்தி சுரேஷ் ஏற்றுள்ள கதாபாத்திரமும், அவரது நடிப்பும் பாராட்டப்பட்டு வருகிறது. பார்வையாளர்களின் நேர்மறையான விமர்சனங்களின் காரணமாக, ‘டோரதி’ திரைப்படத்திற்கு திரையரங்குகளில் நல்ல வரவேற்பு கிடைத்து வருகிறது. பல்வேறு பகுதிகளில் படத்திற்கான திரையரங்குகள் மற்றும் காட்சிகளின் எண்ணிக்கையும் அதிகரித்து வருகிறது.

“விவாதத்திற்குரிய விஷயத்தை திரைப்படமாக்கி அதை வணிக ரீதியாகவும் வெற்றி பெற செய்வது மிகவும் கடினம். ஆனால், கார்த்திக் சுப்புராஜ் தனது எழுத்தின் மூலம் அதைச் சாத்தியமாக்கியுள்ளார். இந்தப் படத்தில் என் கதாபாத்திரம் என் மனதிற்கு மிகவும் நெருக்கமானது. அந்தக் கதாபாத்திரத்தில் பல அடுக்குகள் இருப்பதை என்னால் உணர முடிந்தது. சமூகத்தில் பெண்கள் எதிர்கொள்ளும் சவால்களை பற்றி இயக்குநர் உணர்வுப்பூர்வமாக இந்த கதையில் பேசியுள்ளார். 

பெண்கள் தங்களது எண்ணங்களை வெளிப்படையாகப் பேசுவதற்கு தடையாக இருக்கும் ஆணாதிக்கம், சமத்துவத்திற்கான அவர்களின் மனவேதனை, தங்களது கருத்துகளை சுதந்திரமாக வெளிப்படுத்துவதற்கான உரிமை ஆகிய அனைத்தும் உணர்வுப்பூர்வமாக படமாக்கப்பட்டுள்ளன. குறிப்பாக, புறசூழல் அழுத்தம் காரணமாகத் திருமண வாழ்க்கைக்குள் நுழையும் பெண்கள் அனுபவிக்கும் வலியும் இப்படத்தில் பதிவு செய்யப்பட்டுள்ளது” என்றார்.

தனது சக நடிகர்களான ரிஷிகாந்த் மற்றும் சனந்த் ஆகியோரின் நடிப்பையும் கீர்த்தி சுரேஷ் வெகுவாகப் பாராட்டியுள்ளார். “என்னுடன் நடித்த ரிஷிகாந்த் மற்றும் சனந்த் ஆகிய இருவரும் தங்களது சிறப்பான நடிப்பின் மூலம் முழு கவனத்தையும் தங்கள் பக்கம் திருப்பியுள்ளனர். ஒரு நடிகர் தான் ஏற்றுள்ள கதாபாத்திரத்தை முழுமையாக உள்வாங்கும்போதுதான் அத்தகைய திறமையான நடிப்பு வெளிப்படும். அவர்களுக்கு கிடைத்து வரும் அனைத்து பாராட்டுகளுக்கும் அவர்கள் முழுமையாகத் தகுதியானவர்கள் என்று நான் மனதார நம்புகிறேன். நிச்சயம் பெரிய உயரம் அடைவார்கள். இந்தக் கதையை தயாரிக்க துணிச்சலுடன் முன்வந்த தயாரிப்பாளர்களுக்கு என் நன்றி” என்றார்.

கார்த்திக் சுப்புராஜ் எழுதி இயக்கியுள்ள ‘டோரதி’ திரைப்படத்தை ஜோதி தேஷ்பாண்டே, குணீத் மோங்கா கபூர் மற்றும் அச்சின் ஜெயின் ஆகியோர் தயாரித்துள்ளனர். இப்படத்திற்கு மேஸ்ட்ரோ இளையராஜா இசையமைத்துள்ளார். கீர்த்தி சுரேஷ், சனந்த் மற்றும் ரிஷிகாந்த் ஆகியோர் முதன்மை கதாபாத்திரங்களில் நடித்துள்ள இப்படத்தை ஜியோ ஸ்டுடியோஸ் மற்றும் சிக்யா என்டர்டெயின்மென்ட் இணைந்து வழங்கியுள்ளன. சிக்யா என்டர்டெயின்மென்ட் மற்றும் தம்மம் ஃபிலிம்ஸ் நிறுவனங்களின் தயாரிப்பில் உருவாகியுள்ள இப்படத்திற்கு எஸ். திருநாவுக்கரசு ஒளிப்பதிவு செய்துள்ளார். கணேஷ் சிவா படத்தொகுப்பு பணிகளை மேற்கொண்டுள்ளார். சரவணன் சந்திரன் கூடுதல் திரைக்கதையை எழுதியுள்ளார். பவன் நரேந்திரா நிர்வாகத் தயாரிப்பாளராக பணியாற்றியுள்ளார்.

Dorothy’ Has Become One of My Most Fascinating Works in Recent Times” – Actress Keerthy Suresh

 *“‘Dorothy’ Has Become One of My Most Fascinating Works in Recent Times” – Actress Keerthy Suresh*

_*Keerthy Suresh Opens Up About the Emotional Depth of Her Character, Karthik Subbaraj’s Writing and the Performances of Rishikanth and Sananth.*_

Actress Keerthy Suresh’s Mahanati continues to stand out as one of the landmark projects of her career, and Dorothyhas now emerged as another fascinating and deeply personal work in her recent filmography. Her character in the film and her impeccable performance have been receiving incessant praise, with audiences responding warmly to the film’s emotional depth and hard-hitting themes. As positive word-of-mouth continues to spread, Dorothy is witnessing a strong theatrical response across markets, with its screens and shows seeing an increase.

“Very rarely do films based on debatable themes find a commercial reach, and Karthik Subbaraj has made it happen with his laudable ideation and writing. My character in this film is very close to my heart, and I could see so many layers infused into it. Karthik Subbaraj has brought forth the harsh realities faced by women with great sensitivity. The patriarchal hindrances that prevent women from voicing their thoughts, the melancholy surrounding their longing for equality and the freedom to express their opinions have all been portrayed with great emotional depth. Predominantly, the pain of women who are married under emotional pressures and circumstances has also been etched with a very natural approach.”

Keerthy also lauds her co-stars Rishikanth and Sananth, whose performances have emerged as among the most talked-about aspects of Dorothy.

“My co-stars Rishikanth and Sananth have turned the complete spotlight on themselves with their enriched performances. Their work doesn’t come merely from acting nuances; it happens only when an actor completely gets under the emotional and psychological relevance of the character. I see this as the origin of two stars who will shine with an everlasting impact in their careers, because they have captured the attention of audiences across the board. I sincerely believe they deserve all the appreciation coming their way.”

Concluding on a note of gratitude, Keerthy adds, “I thank the producers for their courage and vision in materialising such a brilliant and hard-hitting theme that deserves to be addressed to the world.”

‘Dorothy’ is written and directed by Karthik Subbaraj and produced by Jyoti Deshpande, Guneet Monga Kapoor and Achin Jain. Presented by Jio Studios and Sikhya Entertainment, the film is produced by Sikhya Entertainment and Dhammam Films. The film stars Keerthy Suresh, Sananth and Rishikanth, with an original score by Maestro Ilaiyaraaja. S. Thirunavukkarasu handles the cinematography, Pavan Narendra is the Executive Producer, Saravanan Chandran has contributed additional screenplay, and Ganesh Siva is the editor. Released worldwide on September 25, Dorothy is continuing its successful theatrical run across Indian and overseas markets, with the film gaining momentum through positive audience word of mouth.

கவிப்பேரரசு வைரமுத்து அவர்கள் தென்னிந்திய திரைப்பட எழுத்தாளர்கள் சங்கத்தில் இணைந்தார்

 *கவிப்பேரரசு வைரமுத்து அவர்கள் தென்னிந்திய திரைப்பட எழுத்தாளர்கள் சங்கத்தில் இணைந்தார்* 

இன்று தென்னிந்திய திரைப்பட எழுத்தாளர்கள் சங்கத் தலைவர் திரு. சேரன், பொதுச்செயலாளர் திரு. பட்டுக்கோட்டை பிரபாகர், பொருளாளர் திரு. R. சுந்தர்ராஜன், துணைத்தலைவர் திரு. சினேகன் மற்றும் செயற்குழு உறுப்பினர் இயக்குநர் திரு. KBB நவீன் ஆகியோர் கவிப்பேரரசு வைரமுத்து அவர்களைச் சந்தித்தனர்.

அவர்களின் வேண்டுகோளை ஏற்று, கவிப்பேரரசு வைரமுத்து அவர்கள் தென்னிந்திய திரைப்பட எழுத்தாளர்கள் சங்கத்தில், ரூபாய் ஒரு லட்சம் செலுத்தி ஆயுட்கால உறுப்பினராக இணைந்தார்.