பாடலாசிரியர் பிரியன் நடிக்கும் ‘வெகுளி’ திரைப்படம் (VEGULI) நவம்பர் 20 முதல் திரையரங்குகளில் வெளியீடு!

 பாடலாசிரியர் பிரியன் நடிக்கும் ‘வெகுளி’ திரைப்படம் (VEGULI) நவம்பர் 20 முதல் திரையரங்குகளில் வெளியீடு!

ஒரே ஷாட்டில் ‘அகடம்’ என்ற திரைப்படத்தை உருவாக்கி கின்னஸ் சாதனை படைத்த இயக்குநர் இசாக், பிக் பாஸ் புகழ் நடிகர் ஆரி நடிப்பில் ‘நாகேஷ் திரையரங்கம்’ என்ற திரைப்படத்தை இயக்கியவர். தற்போது மஸ்காரா, மக்காயலா உள்ளிட்ட 500-க்கும் மேற்பட்ட பாடல்களை எழுதியுள்ள பாடலாசிரியர் பிரியன் நடிப்பில் ‘வெகுளி’ திரைப்படத்தை இயக்கியுள்ளார். இப்படம் வரும் நவம்பர் 20-ஆம் தேதி திரையரங்குகளில் வெளியாகிறது.

திரில்லர் கதைக்களத்தில் உருவாகியுள்ள ‘வெகுளி’ (VEGULI) திரைப்படத்தின் வெளியீட்டுத் தேதியை, மிரட்டலான புதிய போஸ்டர் மூலம் படக்குழுவினர் அதிகாரப்பூர்வமாக அறிவித்துள்ளனர்.

பாடலாசிரியர் பிரியன் நடித்த ‘அரணம்’ திரைப்படத்தைத் தயாரித்த தமிழ்த் திரைக்கூடம் நிறுவனம் இப்படத்தையும் தயாரித்துள்ளது. வேதா பிலிம்ஸ் சார்பில் விஜயா சரவணன் (VIJAYA SHARAVANAN) இணை தயாரிப்பில் இப்படம் உருவாகியுள்ளது. இயக்குநர் இசாக் இப்படத்தை எழுதி இயக்கியுள்ளார்.

இப்படத்தில் திவ்யா சந்திரன், பாய்ஸ் மணிகண்டன், ஷர்மிளா, பூவையார், டேனி, சாப்ளின் பாலு, இமான் அண்ணாச்சி, ஈரோடு சரவணன், சேரன்ராஜ் உள்ளிட்ட பலர் நடித்துள்ளனர்.

இப்படத்திற்கு நாகார்ஜுன் ஒளிப்பதிவு செய்துள்ளார். இலங்கையில் தேசிய விருது பெற்ற ஷமீல் இசையமைத்துள்ளார். படத்தொகுப்பை தேவராஜ் கவனிக்க, கலை இயக்குநராக நட்ராஜ் பணியாற்றியுள்ளார்.

சமீபத்தில் இந்தியாவையே உலுக்கிய கொடூரமான சம்பவம் ஒன்றை அடிப்படையாகக் கொண்டு இப்படத்தின் கதை அமைக்கப்பட்டுள்ளது. பார்வையாளர்களால் எளிதில் யூகிக்க முடியாத வகையில் புதுமையான திரைக்கதையுடன் இப்படம் உருவாகியுள்ளது. படத்தைப் பார்த்த தணிக்கைக் குழுவினர் பாராட்டியதுடன், வெறும் 13 நொடிகள் மட்டுமே வெட்டப்பட்டு ‘A’ சான்றிதழ் வழங்கப்பட்டுள்ளது.

பாய்ஸ் மணிகண்டன் முதல்முறையாக இப்படத்தில் வில்லன் கதாபாத்திரத்தில் நடித்திருப்பது படத்தின் மீதான எதிர்பார்ப்பை அதிகரித்துள்ளது. நீண்ட இடைவெளிக்குப் பிறகு, சாப்ளின் பாலு இப்படத்தில் மிக முக்கியமான கதாபாத்திரத்தில் நடித்துள்ளார். இமான் அண்ணாச்சி முதன்முறையாக இஸ்லாமியர் கதாபாத்திரத்தில் நடித்துள்ளார். பூவையார் கதையின் திருப்புமுனையாக அமையும் கதாபாத்திரத்திலும், டேனி காவல்துறையிடம் சிக்கித் தவிக்கும் கதாபாத்திரத்திலும் நடித்துள்ளனர்.

சமீபத்தில் வெளியான இப்படத்தின் பாடல்களும் டீசரும் ரசிகர்களிடையே நல்ல வரவேற்பைப் பெற்றுள்ளன. மேலும், இப்படத்தைப் பார்த்த திரையுலகப் பிரபலங்கள் பலரும் பாராட்டியுள்ளனர்.

வித்தியாசமான கதைக்களம், திரைக்கதை மற்றும் வசனங்களுடன் இப்படத்தை உருவாக்கியுள்ள இயக்குநர் இசாக், ‘வெகுளி’ திரைப்படம் நிச்சயம் பார்வையாளர்களைத் திருப்திப்படுத்தி வெற்றி பெறும் என்ற நம்பிக்கையைத் தெரிவித்துள்ளார்.

பல எதிர்பார்ப்புகளை ஏற்படுத்தியுள்ள ‘வெகுளி’ திரைப்படம், நவம்பர் 20-ஆம் தேதி திரையரங்குகளில் வெளியாகிறது.

பிரபுதேவா – வடிவேலு இணைந்து கலக்கும் 'பேங் பேங் – Bang Bang' திரைப்படத்தின் பத்திரிகையாளர் சந்திப்பு!

 *பிரபுதேவா – வடிவேலு இணைந்து கலக்கும் 'பேங் பேங் – Bang Bang' திரைப்படத்தின் பத்திரிகையாளர் சந்திப்பு!*

கே.ஆர்.ஜி. (KRG) குழுமம் சார்பில், பிரபல தயாரிப்பாளர் கண்ணன் ரவி தயாரிப்பில், சாம் ரோட்ரிகஸ் (Sam Rodrigues) இயக்கத்தில் பிரபுதேவா – வடிவேலு இணைந்து நடித்திருக்கும் 'பேங் பேங் – Bang Bang' திரைப்படத்தை விளம்பரப்படுத்தும் வகையில் பத்திரிகையாளர் சந்திப்பு சென்னையில் நடைபெற்றது.

இயக்குநர் சாம் ரோட்ரிகஸ் (Sam Rodrigues) இயக்கத்தில் உருவாகியிருக்கும் 'பேங் பேங் – Bang Bang' திரைப்படத்தில் பிரபுதேவா, வடிவேலு, பப்லு பிருத்விராஜ், அனு கீர்த்தி, யாவீ, பீட்டர் உள்ளிட்ட பலர் நடித்திருக்கிறார்கள். H.C. வேணு மற்றும் விக்னேஷ் வாசு ஒளிப்பதிவு செய்திருக்கும் இந்தத் திரைப்படத்திற்கு யுவன் சங்கர் ராஜா இசையமைத்திருக்கிறார். படத்தொகுப்புப் பணிகளை ஆண்டனி மேற்கொள்ள, கலை இயக்கத்தை டான் பாலா கவனித்திருக்கிறார். ஜாம்பி ஆக்‌ஷன் திரில்லராக உருவாகியிருக்கும் இந்தத் திரைப்படத்தை கே.ஆர்.ஜி. (KRG) குழுமம் சார்பில் தயாரிப்பாளர் கண்ணன் ரவி தயாரித்திருக்கிறார். இந்தத் திரைப்படத்திற்கு தீபக் ரவி இணைத் தயாரிப்பாளராகப் பொறுப்பேற்றிருக்கிறார்.

அனைத்துப் பணிகளும் நிறைவடைந்து, விரைவில் வெளியீட்டிற்குத் தயாராகி வரும் இப்படத்தை விளம்பரப்படுத்தும் வகையில் பத்திரிகையாளர் சந்திப்பு சென்னையில் நடைபெற்றது. இதில் தயாரிப்பாளர் கண்ணன் ரவி, படத்தொகுப்பாளர் ஆண்டனி, இயக்குநர் சாம் ரோட்ரிகஸ் (Sam Rodrigues), நடிகைகள் அனு கீர்த்தி, யாவீ, நடிகர் பீட்டர், ஆடை வடிவமைப்பாளர் ஸ்வரூபா ஆகியோர் கலந்து கொண்டனர்

படத்தொகுப்பாளர் ஆண்டனி பேசுகையில்,

''அனைவருக்கும் தீபாவளி நல்வாழ்த்துக்கள். இந்தப் படத்திற்கு முன்னர் நிறைய தயாரிப்பாளர்களுடன் பணியாற்றி இருந்தாலும், தயாரிப்பாளர் கண்ணன் ரவியுடன் இணைந்து பணியாற்றிய அனுபவம் மறக்க முடியாதது. இப்படத்தின் *படத்தொகுப்புப் பணிகளை நிறைவு செய்த பிறகு, சென்னையில் இருந்த தயாரிப்பாளர் கண்ணன் ரவியைத் தொடர்புகொண்டு, படத்தைத் திரையில் காண்பதற்காக வருகை தருமாறு அழைப்பு விடுத்தேன். அப்போது அவர், 'இங்கு வேண்டாம். துபாய்க்கு வாருங்கள். அங்கு திரையிடுங்கள்' என்று கேட்டுக்கொண்டார். அதன் பிறகு துபாய்க்குச் சென்றபோது, 'இரண்டு வாரங்கள் இங்கு ஓய்வெடுத்துக் கொள்ளுங்கள். அதன் பிறகு படத்தைத் திரையிடலாம்' என்றார். அதன் பிறகு படத்தைப் பார்த்து மகிழ்ச்சி அடைந்தார். இந்தத் திரைப்படத்தைச் சிறந்த முறையில் விளம்பரப்படுத்துவேன் என்றார். அவருடைய இந்த எண்ணத்திற்காகவே இந்தப் படம் பெரிய அளவில் வெற்றி பெற வேண்டும்'' என்றார்.

ஆடை வடிவமைப்பாளர் ஸ்வரூபா பேசுகையில்,

''இது என்னுடைய முதல் திரைப்படம். இத்திரைப்படத்தில் நடிகர், நடிகைகளின் ஆடை வடிவமைப்பு முழுவதும் இயக்குநரின் சிந்தனைதான். அதனை அவருடைய குழுவினருடன் இணைந்து ஆய்வு செய்து, கலந்துரையாடிய பிறகு, இயக்குநரின் வழிகாட்டுதலின்படி செயல்படுத்தினேன்'' என்றார்.

இயக்குநர் சாம் ரோட்ரிகஸ் பேசுகையில்,

''மூன்றாண்டுகளுக்கு முன்பு இதே போன்றதொரு தீபாவளிப் பண்டிகை நிகழ்வின்போது மேடை ஏறினேன். தற்போது மீண்டும் தீபாவளிப் பண்டிகைக்கு முதல் நாள் 'பேங் பேங்' படத்தை விளம்பரப்படுத்தும் நிகழ்வில் கலந்து கொண்டிருக்கிறேன்.

தயாரிப்பாளர் கண்ணன் ரவிதான் இன்றைய சூழலில் டாக் ஆஃப் தி டவுன் (Talk of the Town). அவரைப் பற்றிய எதிர்மறையான விமர்சனங்கள் ஏராளமாக வெளியாகி வருகின்றன. ஒவ்வொருவரும் ஒவ்வொரு விதமாக அவரை விமர்சிக்கிறார்கள். இதைப் பற்றிய தெளிவான விளக்கத்தை அவர் இந்த மேடையில் வழங்குவார் என எதிர்பார்க்கிறேன்.

1990-களில் துபாய் வல்லரசாக மாறுவதற்கு முயற்சி செய்துகொண்டிருந்த காலகட்டத்தில், இங்கிருந்து சென்ற பலரில் அவரும் ஒருவர். துபாய் நாட்டின் வளர்ச்சியுடன் இவரது வளர்ச்சியும் நடந்தது. பொதுவாக, இங்கிருந்து வெளிநாடுகளுக்குச் செல்பவர்கள் அங்கு கடுமையாக உழைத்து, பல பதவிகளில் பணியாற்றி, அந்த நாட்டு குடிமகனாக மாறி அங்கேயே வாழ்வார்கள். இவர்களில் மிகச் சிலர் மட்டும்தான் வெளிநாடுகளில் வசதியான வாழ்க்கை கிடைத்த பிறகும், தாயகத்தைப் பற்றியும் சொந்த ஊரைப் பற்றியும் நினைத்து, அவர்களுக்கு ஏதேனும் நல்லது செய்ய வேண்டும் எனத் திட்டமிடுவார்கள்.

ஜோஹோ நிறுவனத்தைச் சேர்ந்த ஸ்ரீதர் வேம்புவைப் போல, கண்ணன் ரவியும் தான் பிறந்த மண்ணிற்காக ஏதேனும் செய்ய வேண்டும் எனத் திட்டமிட்டு, அதற்கான பணிகளில் ஈடுபட்டு, நிறைய விஷயங்களைச் செய்திருக்கிறார். செய்தும் வருகிறார்.

தயாரிப்பாளர் கண்ணன் ரவியிடம் பேசும்போது, 'நம்ம தமிழ் சினிமா... நம்ம தமிழ் சினிமா...' என்றுதான் பேசுவார். தமிழ் சினிமாவில் செயல்படும் நிறைய சங்கங்களுக்கு ஏராளமான உதவிகளைச் செய்திருக்கிறார்.

இந்தப் படத்தைப் பற்றி, பட வெளியீட்டிற்கு முன்னரான நிகழ்வில் விரிவாகப் பேசுகிறேன். இந்தப் படத்தைப் பொறுத்தவரை வடிவேலுவும், பிரபுதேவாவும் தங்களுடைய முழுமையான பங்களிப்பை வழங்கியுள்ளனர்'' என்றார்.

நடிகை அனு கிருத்தி பேசுகையில்,

''தமிழில் நான் நடிக்கும் இரண்டாவது திரைப்படம் இது. இப்படத்தில் நல்லதொரு கதாபாத்திரத்தில் நடிப்பதற்கு வாய்ப்பளித்த இயக்குநருக்கும், தயாரிப்பாளருக்கும் நன்றி. வடிவேலு – பிரபுதேவா போன்ற சாதனையாளர்களுடன் இணைந்து பணியாற்றிய அனுபவம் மறக்க முடியாதது.

படப்பிடிப்பிற்காக வெளிநாட்டிற்குச் சென்று, அங்கு நடைபெறும் படப்பிடிப்பில் கலந்து கொள்வதற்கு நிறைய கலைஞர்களுக்கு வாய்ப்பு கிடைப்பதில்லை. அந்த வாய்ப்பு இந்தப் படத்தில் எனக்குக் கிடைத்தது. இதற்காகவும் படக்குழுவினர் அனைவருக்கும் நன்றி. 'பேங் பேங்' திரைப்படம் திரையரங்குகளில் வெளியாகும் நாளுக்காக ஆர்வத்துடன் காத்துக்கொண்டிருக்கிறேன்'' என்றார்.

தயாரிப்பாளர் கண்ணன் ரவி பேசுகையில்,

''அனைவருக்கும் தீபாவளி நல்வாழ்த்துகள். கடந்த 25 ஆண்டுகளுக்கும் மேலாக தீபாவளி, பொங்கல் போன்ற விசேஷ நாட்களை என் சொந்த ஊரில் உறவினர்களுடனும், நண்பர்களுடனும், மக்களுடனும் கொண்டாடுவது வழக்கம். என் ஊரைச் சுற்றியுள்ள ஊர் மக்களுக்கு விசேஷ நாட்களில் உதவிகள் செய்து சந்தோஷப்படுத்துவதுண்டு.

சம்பாதிப்பதில் ஒரு குறிப்பிட்ட தொகையை மக்களுக்காகச் செலவழித்திட வேண்டும். அப்படிச் செலவழிக்கவில்லை என்றால், அந்தக் குறிப்பிட்ட பணம் தானாகச் சென்றுவிடும் எனும் எண்ணம் கொண்டவன் நான். அதனால்தான் இன்று வரை நான் சம்பாதிப்பதில் குறிப்பிட்ட சதவீதத்தை ஒதுக்கி மக்களுக்காகச் செலவழித்து வருகிறேன்.

பிரபுதேவா என்னைச் சந்தித்து, 'ஒரு புது இயக்குநர், ஜாம்பி கதை... கதையைக் கேட்டு வாய்ப்பு தாருங்கள்' என்று சொன்னார். அந்தக் கதையைக் கேட்டவுடன் வித்தியாசமாக இருந்தது. இந்தக் கதையைக் கேட்ட பிறகு இயக்குநர் சாம் நிச்சயமாக அடுத்த கட்டத்திற்குச் சென்றுவிடுவார் என நம்பினேன். அவர் புது இயக்குநராக இருந்தாலும், அவருக்கான குழுவில் ஏராளமான திறமைசாலிகள் இணைந்திருக்கிறார்கள்.

இத்திரைப்படத்தில் வடிவேலு – பிரபுதேவா ஆகிய இருவரும் எந்தவித மறுப்பும் சொல்லாமல், அனைத்து விஷயங்களிலும் முழுமையான ஒத்துழைப்பை வழங்கி வருகிறார்கள். அவர்களுக்கும் நன்றி. இந்தப் படம் நிச்சயமாகப் பேசப்படும்.

இந்தப் படத்திற்கான படப்பிடிப்பை இந்தோனேசியாவில் நடத்தலாம் என்ற ஆலோசனையை நான்தான் முதலில் முன்வைத்தேன். என்னுடைய அதிர்ஷ்டம் என்னவெனில், கடந்த 20 ஆண்டுகளாக வெடிக்காத அந்தத் தீவில் உள்ள எரிமலை, படப்பிடிப்பிற்காகப் படக்குழுவினர் அங்கு சென்றிருந்தபோது வெடித்தது. அதனையும் படக்குழு படமாக்கியுள்ளது. நானும் எரிமலையைப் போலத்தான். எப்போது வேண்டுமானாலும் வெடிப்பேன். ஏனெனில், நானும் கோபம் – அன்பு – பாசம் ஆகிய உணர்வுகளைக் கொண்ட சாதாரண மனிதன்தான்.

இந்தப் படத்தில் நான்கு ஹீரோயின்கள். இவர்கள் அனைவரும் படத்தில் தான் சண்டை போட்டார்களே தவிர, படப்பிடிப்புத் தளத்தில் முழுமையான ஒத்துழைப்பை வழங்கினார்கள். இந்தப் படத்தில் நான்கு ஹீரோயின்களும் நன்றாக நடித்திருக்கிறார்கள்.

ஜாம்பி கதையாக இருந்தாலும், அந்தக் கதையை முழுமையாகக் கேட்டபின், டிக்கெட் வாங்கிப் படத்தைப் பார்க்கும் ரசிகர்களின் கோணத்திலிருந்து சில விஷயங்களைச் சொல்லி, சில திருத்தங்களை மேற்கொள்ளலாம் என்று சொன்னேன். இயக்குநரும், படக்குழுவினரும் அதை ஏற்றுக்கொண்டு நல்லதொரு படைப்பாக இந்தப் படத்தை உருவாக்கியிருக்கிறார்கள். இந்தப் படம் தான் உண்மையிலேயே கூட்டுத் தயாரிப்பு. படம் நன்றாக இருக்கிறது'' என்றார்.

இதனைத் தொடர்ந்து, அவரைப் பற்றியும், அவருடைய பின்னணியைப் பற்றியும், அண்மையில் இணையத்திலும், சமூக ஊடகங்களிலும் எழுந்த ஏராளமான எதிர்மறை விமர்சனங்களுக்கு உரிய விளக்கத்தை நிதானமாகவும், தெளிவாகவும், உறுதிப்படவும் அளித்தார்.

மேலும், அவரின் எதிர்காலத் திட்டங்கள் குறித்தும், அரசியலில் சினிமாவின் சக்தி குறித்தும், தன்னுடைய சொந்தக் கருத்துகளையும் பகிர்ந்து கொண்டார்.

எல் கே சுதீஷ் எம்பி தயாரிப்பில் திரு இயக்கத்தில் சண்முக பாண்டியன் , ஷிவானி ராஜசேகர் நாயகன் நாயகியாக நடிக்கும்

 *எல் கே சுதீஷ் எம்பி  தயாரிப்பில் திரு இயக்கத்தில் சண்முக பாண்டியன் , ஷிவானி ராஜசேகர் நாயகன் நாயகியாக நடிக்கும் வாணவேடிக்கை திரைப்படத்தில் வில்லனாக களம் இறங்குகிறார் இயக்குனர் மோகன் ராஜா*

*வாணவேடிக்கை திரைப்படத்தில் மூலம் வில்லனாக களம்  இறங்குகிறார்  இயக்குனர் மோகன் ராஜா*

கேப்டன் சினி கிரியேஷன்ஸ் சார்பில் எல்.கே.சதீஷ் எம்.பி. தயாரிக்கும் 'வாணவேடிக்கை' திரைப்படத்தின் ட்ரெய்லரை இன்று ஆர்யா மற்றும் ஜெயம் ரவி ஆகியோர் வெளியிட்டனர்.

சண்முக பாண்டியன் கதாநாயகனாக நடிக்கும்  வாணவேடிக்கை திரைப்படத்தை இயக்குனர் திரு இயக்குகிறார். இசை சாம் சி எஸ், ஒளிப்பதிவு அர்வி படத்தொகுப்பு சுதர்சன். 

இப்படத்தில் நாயகியாக ஷிவானி ராஜசேகர் நடிக்க முதன்முறையாக முழு நீள வில்லனாக களம் இறங்குகிறார் இயக்குனர் மோகன் ராஜா, இவர்களுடன் முக்கிய கதாபாத்திரத்தில் பருத்திவீரன் சரவணன், இந்துமதி, ஜெயப்பிரகாஷ்,  இயக்குனர் தமிழ், சித்ரா லக்ஷ்மன், கிரண், அம்மா கிரியேஷன்ஸ் சிவா, ஸ்டில்ஸ் பாண்டியன், கும்கி அஸ்வின், சாரா, சுபிக்ஷா மற்றும் பலர் நடிக்கிறார்கள்.

இப்படத்தின் ட்ரெய்லர் இன்று வெளியாகி பரபரப்பாக பேசப்பட்டு வருகிறது. 

சண்முக பாண்டியன் விஜயகாந்த் தோற்றம் இதுவரை அவர் செய்த படங்களிலிருந்து முற்றிலும் மாறுபட்டு இருக்கிறது, குறிப்பாக நம் பக்கத்து வீட்டு பையனாக நம் முன்னே வந்து எதார்த்தமாய் நிற்கிறார். 

சண்டைக் காட்சிகளில் அப்பாவை நினைவுபடுத்துகிறார்.

அதேபோல் தனி ஒருவன் படத்தில் வரும் அரவிந்த்சாமி கதாபாத்திரத்துக்கு இணையாக இப்படத்தில் மோகன்  ராஜாவின் தோற்றம் அமைந்துள்ளதாக  பலர் கருத்து தெரிவித்து வருகிறார்கள்.

இப்படத்தின் இசை உரிமையை பிரபல ஆடியோ கம்பெனியான  'லகரி' பெரும் தொகைக்கு வாங்கியுள்ளது.

சாமந்தாவைக் கண்கலங்க வைத்த போட்டியாளர்கள்… அன்புப் பரிசுகளால் நெகிழ வைத்த ‘செலிபிரிட்டி மாஸ்டர்செஃப் தமிழ்’ !

 சாமந்தாவைக் கண்கலங்க வைத்த போட்டியாளர்கள்… அன்புப் பரிசுகளால் நெகிழ வைத்த ‘செலிபிரிட்டி மாஸ்டர்செஃப் தமிழ்’ !

சாமந்தாவின் வாழ்க்கைப் பயணத்தைப் பாராட்டி, குழந்தைகளுக்கான உடைகள், பொம்மைகள், ஓவியங்கள் என அன்பைப் பொழிந்த போட்டியாளர்கள்!

வாழ்க்கையில் நாம் எதிர்பாராத நேரத்தில் கிடைக்கும் அன்பும், அக்கறையும் மனதில் நீங்காத நினைவுகளாக மாறிவிடும். அந்த வகையில், சோனி விழாவில் ஒளிபரப்பாகும் ‘செலிபிரிட்டி மாஸ்டர்செஃப் தமிழ்’  நிகழ்ச்சி சமையல் போட்டியைத் தாண்டி, பல உணர்வுப்பூர்வமான தருணங்களையும் அழகான உறவுகளையும் உருவாக்கி வருகிறது. அந்த வகையில், நிகழ்ச்சியின் வரவிருக்கும் எபிசோடில் நடிகை சாமந்தா ரூத் பிரபுவுக்கு போட்டியாளர்கள் அளிக்கும் இன்ப அதிர்ச்சி அவரை நெகிழ்ச்சியில் ஆழ்த்தியுள்ளது.

சாமந்தாவின் நிகழ்ச்சிப் பயணத்தைப் பாராட்டும் வகையில், போட்டியாளர்கள் இணைந்து அவருக்காக ஒரு சிறப்பு காணொளியைத் தயாரித்துள்ளனர். அதில் நிகழ்ச்சியில் அவர் பங்கேற்ற மறக்க முடியாத தருணங்கள் இடம்பெற்றுள்ளன. அதைப் பார்த்து உணர்ச்சிவசப்படும் சாமந்தாவுக்கு, குழந்தைகளுக்கான உடைகள், பொம்மைகள், ஓவியங்கள் மற்றும் சாக்லேட்டுகள் என அன்புடன் தேர்ந்தெடுத்த பரிசுகளை வழங்கி மேலும் ஆச்சரியப்படுத்துகின்றனர்.

இதில் மிகவும் நெகிழ்ச்சியான தருணமாக அமைவது போட்டியாளர் ஜனனி பகிர்ந்துகொள்ளும் அனுபவம். தனது சகோதரி வாழ்க்கையில் கடினமான காலகட்டத்தைச் சந்தித்தபோது, சாமந்தாவின் வாழ்க்கைப் பயணம் அவருக்கு மிகப்பெரிய உத்வேகமாக இருந்ததாக ஜனனி கூறுகிறார். சாமந்தாவின் தன்னம்பிக்கையால் ஈர்க்கப்பட்ட தனது சகோதரி, மீண்டும் தன்னம்பிக்கையுடன் வாழ்க்கையைத் தொடங்கி, தற்போது உடற்பயிற்சிப் பயிற்சியாளராகவும் யோகா பயிற்றுநராகவும் பணியாற்றி வருவதாகத் தெரிவிக்கிறார். ஒருவரின் வாழ்க்கைப் பயணம் மற்றொருவருக்கு எப்படியெல்லாம் நம்பிக்கையையும் உத்வேகத்தையும் அளிக்கிறது என்பதை இந்த நிகழ்வு உணர்த்துகிறது.

தொடர்ந்து, தனது சிறுவயது நினைவுகளையும் சாமந்தா போட்டியாளர்களுடன் பகிர்ந்துகொள்கிறார். பல்லாவரத்தில் வளர்ந்த தனது குழந்தைப் பருவத்தை நினைவுகூரும் அவர், தனது வீட்டின் அருகே இருந்த மலையுடன் தொடர்புடைய பல இனிமையான நினைவுகளைப் பகிர்கிறார். படிப்பில் வெற்றி பெற்ற மகிழ்ச்சியான தருணங்கள் முதல் வாழ்க்கையில் ஏற்பட்ட இழப்புகளால் மனம் வருந்திய நாட்கள் வரை, தனது வாழ்க்கையின் பல்வேறு தருணங்களுக்கு அந்த இடம் சாட்சியாக இருந்ததாகக் கூறுகிறார்.

திரைப்படங்களில் வெவ்வேறு கதாபாத்திரங்களில் நடிக்கும் தனக்கு, ‘செலிபிரிட்டி மாஸ்டர்செஃப் தமிழ்’  நிகழ்ச்சி சாமந்தாவாகவே தன்னை வெளிப்படுத்திக்கொள்ளும் வாய்ப்பை வழங்கியதாகக் கூறுகிறார். போட்டியாளர்களுடன் பழகவும், அவர்களது கனவுகளையும் வாழ்க்கைப் பயணங்களையும் தெரிந்துகொள்ளவும் இந்த நிகழ்ச்சி உதவியதாக மகிழ்ச்சி தெரிவிக்கிறார். மேலும், தனது கர்ப்ப கால அனுபவங்களைப் பகிர்ந்துகொள்ளும் அவர், முதல் ஏழு மாதங்கள் உணவுக் கட்டுப்பாட்டுடன் இருந்ததாகவும், அதன் பிறகு சிறுவயதில் விரும்பிச் சாப்பிட்ட உணவுகளை ரசித்து உண்டதாகவும் கூறுகிறார். இதைக் கேட்கும் RJ விஜய், பிறப்பதற்கு முன்பே குழந்தை பலவிதமான உணவுகளின் சுவையை அறிந்துவிட்டதாக நகைச்சுவையாகக் கூற, அரங்கமே கலகலப்பாகிறது.

இந்த நிகழ்ச்சியின் மூலம் தனக்குக் கிடைத்த மிகப்பெரிய மகிழ்ச்சி, போட்டியாளர்களுடன் உருவான நட்பும் அன்பும்தான் என்று சாமந்தா நெகிழ்ச்சியுடன் தெரிவிக்கிறார். அவர்கள் அளித்த அன்புக்கும் மறக்க முடியாத நினைவுகளுக்கும் நன்றி கூறும் அவர், நிகழ்ச்சி முடிந்த பிறகும் இந்த நட்பு தொடர்ந்து நீடிக்கும் என உறுதியளிக்கிறார்.

Endemol Shine India தயாரிப்பில் உருவாகும் ‘செலிபிரிட்டி மாஸ்டர்செஃப் தமிழ்’ நிகழ்ச்சி, சமையல் மூலம் மனிதர்களை ஒன்றிணைப்பதோடு மட்டுமல்லாமல், அவர்களுக்குள் உருவாகும் அன்பு, நட்பு மற்றும் உணர்வுப்பூர்வமான நினைவுகளையும் அழகாக வெளிப்படுத்தி வருகிறது.

‘செலிபிரிட்டி மாஸ்டர்செஃப் தமிழ்’ நிகழ்ச்சியை திங்கள் முதல் வெள்ளி வரை இரவு 8 மணிக்கு சோனி விழா  ( Sony VIZHA ) தொலைக்காட்சியில் காணலாம். மேலும், சோனி லிவ் ( Sony LIV ) தளத்திலும் பார்த்து ரசிக்கலாம்.

SAMANTHA RUTH PRABHU MOVED TO TEARS AS CELEBRITY MASTERCHEF TAMIL CONTESTANTS SURPRISED HER

 SAMANTHA RUTH PRABHU MOVED TO TEARS AS CELEBRITY MASTERCHEF TAMIL CONTESTANTS SURPRISED HER WITH HEARTFELT GIFTS AND MEMORIES!

From personalised gifts to emotional stories of inspiration, contestants make Samantha Ruth Prabhu feel truly special on Sony VIZHA's Celebrity MasterChef Tamil!

Some of the most beautiful moments in life are the ones we least expect, and sometimes, the smallest gestures leave the biggest impressions on our hearts. Sony VIZHA's Celebrity MasterChef Tamil has been serving audiences much more than extraordinary dishes, bringing together heartfelt emotions, personal journeys and bonds that go far beyond the kitchen. In an upcoming episode, Samantha Ruth Prabhu finds herself at the receiving end of a beautiful surprise as the contestants come together to celebrate her, leaving the actress visibly emotional.

What begins as a special tribute soon turns into an unforgettable moment when Samantha is shown a heartfelt audiovisual capturing her journey on Celebrity MasterChef Tamil. As she watches the memories unfold, she is overcome with emotion. The contestants then surprise her with thoughtful, personalised presents, including baby clothes, toys, artwork and chocolates, each carrying their own special message of love and affection.

However, one of the most touching moments comes when contestant Janani shares a deeply personal story about how Samantha unknowingly became a source of strength and inspiration for her sister. Recalling a difficult phase in her sister's life, Janani reveals how Samantha's journey inspired her to rebuild her confidence and eventually pursue a new path as a fitness coach and yoga instructor. The revelation makes the moment even more meaningful, reminding everyone how someone's journey can inspire lives far beyond what they may ever realise.

The surprises also take Samantha on a nostalgic journey down memory lane. Opening up about her childhood in Pallavaram, she fondly recalls a hill near her home that holds some of her most precious memories. From celebrating academic achievements to navigating moments of personal grief, she shares how the place has silently witnessed different chapters of her life. Her candid reflections offer a rare glimpse into the person behind the star, making the celebration even more intimate and emotional.

Reflecting on her journey, Samantha shares that Celebrity MasterChef Tamil has given her something truly special — the freedom to simply be herself. Unlike a film set, where she steps into different characters, the MasterChef kitchen has allowed her to connect with people as Samantha, share in their dreams and become a part of their personal journeys. She also speaks candidly about her pregnancy, recalling how she followed a strict diet during the first seven months before finally indulging in some of her favourite childhood foods. The conversation takes a lighthearted turn when RJ Vijay jokes that her baby has already experienced an extraordinary variety of flavours even before being born.

For Samantha, however, the greatest takeaway from the experience is the relationships she has built along the way. Overwhelmed by the love and warmth of the contestants, she expresses her gratitude for the beautiful memories they have created together and assures them that her connection with them will continue beyond the show. What began as a culinary journey has become a collection of friendships, shared dreams and memories that she will cherish for years to come.

Produced by Endemol Shine India, Celebrity MasterChef Tamil continues to prove that while food brings people together, it is the emotions, memories and relationships created along the way that make the experience truly unforgettable.

Watch Celebrity MasterChef Tamil, Monday to Friday at 8 PM on Sony VIZHA, and stream anytime on Sony LIV.

HM CREATIONS நிறுவனம் தனது முதல் படைப்பாக 'Love Heart 1997' என்ற திரைப்படத்தை மிகுந்த பொருட்செலவில் தயாரித்து இருக்கிறது…

 HM CREATIONS நிறுவனம் தனது முதல் படைப்பாக 'Love Heart 1997' என்ற திரைப்படத்தை மிகுந்த பொருட்செலவில் தயாரித்து இருக்கிறது…

இதில் 

கதாநாயகனாக 

SRM கல்லூரியில் விஷ்காம் படித்து, நடிப்பு,நடனம் என சிறுவயது முதலே கற்றுத் தேர்ந்த 'அமித்' நடிக்கிறார்.

தான் தேக்கி வைத்த, ஒட்டு மொத்த திறமையையும் இப்படத்தில் வெளிப்படுத்தியிருக்கிறார்…

கதாநாயகியாக, அழகு தேவதையாக ஹர்ஷாஹரிஷ் நடித்திருக்கிறார். 

இது 1997-ல் நடந்த உண்மை சம்பவத்தை அடிப்படையாக கொண்ட கதை. இதன் கதை, திரைக்கதை, வசனம் மற்றும் பாடல்களை SA.Babu எழுதியதோடு மட்டுமல்லாமல் இத்திரைப்படத்தை தயாரித்திருக்கிறார். 

இதன் இயக்கத்தை ஒரே வருடத்தில் 60 குறும்படங்கள் இயக்கி பெயர் பெற்ற வரும், திரைத்துறையில் நீண்ட நெடிய அனுபவம் பெற்றருமான ஜின்னாஜி என அன்பாக அழைக்கப்படும் மம்மதலி இயக்கியிருக்கிறார்.

ஒளிப்பதிவு 

தினேஷ்குமார், கலை C.K.முஜிபூர் ரஹ்மான். 

நடனம் sujay albi, சண்டைக்காட்சி 'டைகர்' பழனி. 

Stills V.Jude, Designs Venkat RK Costumer : 

Lakshmi Narayanan 

தயாரிப்பு நிர்வாகி: சதிஷ் முத்துகுமார். மக்கள் தொடர்பு: P.மணிகண்டன்

இத்திரைப்படத்தில் 5 பாடல்கள் இடம் பெருகிறது. 

5 பாடல்களும் செவிக்கு விருந்து அளிக்கிறது. இசையை இலக்கியன் அமைத்திருக்கிறார். இவ்வருடத்தின் சிறந்த ஆல்பம் என்ற வரிசையில் இந்த 

'Love Heart 1997' பாடல்கள் இடம் பெறும் என்பதில் ஐயமில்லை.

'ஹேப்பி நியூ இயர் வந்தது,வந்தது.

ஹேப்பி அள்ளி தந்தது,தந்தது’

என்ற பாடல் இவ்வருடம் மட்டுமல்ல. 

இனி எல்லா வருடங்களிலும் டிசம்பர் 31 நள்ளிரவு நிச்சயமாக ஒலிக்கும் அளவிற்கு,

இளைஞர்களை உற்சாகப்படுத்தும் துள்ளல் இசை பாடலாக அமைந்திருக்கிறது...

இத்திரைப்படத்தின் First லுக் போஸ்டரை தமிழ்நாடு திரைப்பட சிறு முதலீட்டு தயாரிப்பாளர் 

சங்கத் தலைவர் திரு. ஆர்.கே.அன்புசெல்வன் அவர்களின் பொற்கரங்களால் வெளியிட்டார். 

வரும் கிறிஸ்துமஸ் பண்டிகைக்கு (டிசம்பர் 2026) இத்திரைப்படம் ரசிகர்களின் பார்வைக்கு திரையரங்குகளில் வெளியீடு செய்ய திட்டமிட்டிருப்பதாக தயாரிப்பாளர் 

திரு SA.Babu அவர்கள் தெரிவித்தார்…

#KuttymaTamilTV

#KMMedia

#LoveHeart1997

#KM_Media

#TamilCinema 

#லவ்ஹார்ட்1997

Scene Movie Review

Scene Tamil Movie Review

ஹாய் மக்களே! இந்த தீபாவளிக்கு Suriya நடிப்பில் வெளியாகியிருக்கிற Scene படத்தைப் பற்றித்தான் இன்னைக்கு நம்ம பார்க்கப்போறோம். ஒரு Crime Thriller கதைக்குள்ள Dark Comedy-யையும் கலந்து, Jithu Madhavan அவருக்கே உரிய வித்தியாசமான Style-ல இந்தப் படத்தைக் கொடுத்திருக்காரு. ஏற்கனவே Romancham, Aavesham படங்கள் மூலமா நம்மை ஆச்சரியப்படுத்தின இயக்குநர், இந்த முறை Suriya கூட இணைஞ்சிருக்காரு. வாங்க, படம் எப்படி இருக்குன்னு பார்க்கலாம்!

முதல்ல Suriya-வைப் பற்றிச் சொல்லணும். கிட்டத்தட்ட 30 வருஷங்களுக்கும் மேலா சினிமாவுல இருக்கிறவர். Action, Romance, Comedy, Emotional Roles அப்படின்னு பல விதமான கதாபாத்திரங்கள்ல நடிச்சிருக்காரு. ஆனா ஒவ்வொரு படத்துலயும் ஏதாவது ஒரு புதுமையை முயற்சி பண்ணிக்கிட்டே இருக்காரு. அந்த வகையில Scene அவருக்கு இன்னொரு வித்தியாசமான படம்.

இந்தப் படத்துல Suriya, Inbaraj அப்படிங்கிற ஒரு Police Officer கதாபாத்திரத்துல நடிச்சிருக்காரு. சாதாரணமா நாம பார்க்கிற Police Officer மாதிரி இல்லாமல், கொஞ்சம் வித்தியாசமான குணாதிசயங்களோட இருக்கிறவர். நிறைய பெரிய பெரிய Crime Cases-ஐ ரொம்ப சுலபமா Solve பண்ணியிருக்காரு. அதுல குறிப்பா Perfume Killer Case ரொம்ப பிரபலமானது.

ஆனா இந்த Inbaraj-க்கு ஒரு பிரச்சினை இருக்கு. அவருக்குக் கொடுக்கப்பட்ட வேலையிலயும், வாழ்க்கையிலயும் ஒரு விதமான சலிப்பு வந்துடுது. அவரோட Boss Stephen-கிட்ட Resignation கொடுக்க நினைக்கிறார். ஆனா Boss அதை Accept பண்ண மாட்டேங்கிறார். இதனால Inbaraj தன்னோட வழக்கமான ஸ்டைல்ல வாழ்க்கையை ஓட்டிக்கிட்டு இருக்காரு.

இவருடைய Behaviour-ம் கொஞ்சம் வித்தியாசமா இருக்கும். Office-க்குக் கூட வீட்டுல போட்டிருக்கிற அதே Dress-ல வருவாரு. Crime Scene-க்கு நேரடியா போகாம, தன்னோட கீழ வேலை பார்க்கிற Police Officers-கிட்ட விவரங்களைக் கேட்டுத் தெரிஞ்சுப்பாரு. எப்போதுமே ஒரு தனி Attitude-ல இருக்கிற இந்தக் கதாபாத்திரம் ஆரம்பத்துல இருந்தே நம்ம கவனத்தை ஈர்க்குது.

ஆனா, இந்த Inbaraj கதாபாத்திரத்துக்குப் பின்னாடி ஒரு முக்கியமான விஷயம் இருக்கு. அவருடைய Character-ல இருக்கிற அந்த வித்தியாசமான தன்மைக்கான காரணம் தெரிய வரும்போது, அதுவரைக்கும் பார்த்த காட்சிகளைக் கூட நாம இன்னொரு விதமா புரிஞ்சுக்க ஆரம்பிச்சிடுவோம். அந்த Character Twist தான் படத்தோட முக்கியமான Highlight.

இன்னொரு பக்கம் Naslen, Eeswaran அப்படிங்கிற ஒரு Serial Killer கதாபாத்திரத்துல நடிச்சிருக்காரு. இவருடைய கொலை செய்யும் முறையே கொஞ்சம் வித்தியாசமானது. அதையும் ஒரு Business மாதிரி எடுத்துக்கிட்டு ரொம்ப Casual-ஆ அணுகுறாரு. இவருக்கும் Inbaraj-க்கும் இடையில நடக்கிற விஷயங்கள்தான் படத்தோட Crime Thriller பகுதியை சுவாரஸ்யமாக்குது.

இங்க ஒரு விஷயம் சொல்லணும். பொதுவா Serial Killer படங்கள்ல கொலைகள், Investigation, Killer-ஓட பின்னணி இதுக்குத்தான் அதிக முக்கியத்துவம் கொடுப்பாங்க. ஆனா இந்தப் படத்துல இயக்குநர் அதைவிட வித்தியாசமான Characters மற்றும் அவங்களோட Behaviour மூலமா கதையை நகர்த்தியிருக்காரு.

இந்தப் படத்தோட மிகப்பெரிய பலமே Dark Comedy தான். Jithu Madhavan-ஓட முந்தைய படங்களான Romancham, Aavesham-ல பார்த்த அந்த வித்தியாசமான Humour இந்தப் படத்துலயும் இருக்கு. சீரியஸான சூழ்நிலையில கூட நம்மைச் சிரிக்க வைக்கிற மாதிரி நிறைய காட்சிகள் அமைஞ்சிருக்கு.

சில நேரங்கள்ல ஒரு சின்ன Dialogue-லயே காமெடி வந்துடும். சில காட்சிகள்ல அந்த Situation-ஐயே Comedy-யா மாற்றியிருப்பாங்க. குறிப்பா Graveyard-ல நடக்கிற ஒரு காட்சியும், Inbaraj Wheel Chair-ல இருக்கிற காட்சியும் நல்லா சிரிக்க வைக்குது. படம் முழுக்க அங்கங்க இப்படி நிறைய சின்னச் சின்ன Comedy Moments இருக்கு.

இந்தப் படத்துல Nazriya, Maya அப்படிங்கிற கதாபாத்திரத்துல நடிச்சிருக்காங்க. இது ஒரு வழக்கமான Heroine கதாபாத்திரம் கிடையாது. அவங்களுக்கும் தனிப்பட்ட திறமைகள் இருக்கு. குறிப்பா Kung Fu தெரிஞ்ச ஒரு பெண்ணாக வர்றாங்க. Suriya மற்றும் Nazriya சேர்ந்து வர்ற காட்சிகள் ரொம்பவே சுவாரஸ்யமா இருக்கு.

Inbaraj-க்கும் Maya-வுக்கும் இடையில உருவாகிற உறவு படத்துக்கு ஒரு நல்ல Emotional Touch கொடுக்குது. Inbaraj சில விஷயங்களைப் புரிஞ்சுக்கவும், தன்னம்பிக்கையோட தன்னை ஏத்துக்கவும் Maya உதவுறாங்க. இந்த இரண்டு பேருக்கும் இடையிலான Bonding-ஐ இயக்குநர் ரொம்ப அழகா கையாண்டிருக்காரு.

அதேபோல Inbaraj-ஓட அப்பாவாக Anandraj, அம்மாவாக Selvi நடித்திருக்காங்க. இவங்க இரண்டு பேருடைய கதாபாத்திரங்களுமே ரொம்ப வித்தியாசமானவை. பொதுவா நாம பார்க்கிற மாதிரி ஒரு சாதாரண குடும்பமா இல்லாமல், இவங்க மூணு பேரும் சேர்ந்து வர்ற காட்சிகள் நல்லா Entertainment கொடுக்குது.

Lal, Inbaraj-ஓட Boss-ஆ வர்றாரு. இவரோட கதாபாத்திரமும் கதைக்கு ஒரு தனி சுவாரஸ்யத்தைச் சேர்க்குது. இப்படிப் படத்துல வர்ற ஒவ்வொரு கதாபாத்திரத்துக்கும் ஒரு தனித்துவமான குணம் கொடுத்திருக்காங்க.

இந்தப் படத்துல Suriya-வோட நடிப்பைப் பற்றித் தனியா சொல்லியே ஆகணும். வழக்கமா அவரைப் பார்த்தா Action, Mass Dialogue, பெரிய பெரிய Fight Sequences எல்லாம் நமக்கு ஞாபகம் வரும். ஆனா இந்தப் படத்துல அதையெல்லாம் கொஞ்சம் ஒதுக்கி வச்சிட்டு, முழுக்க முழுக்க Character-ஐ மையமா வச்சு நடித்திருக்காரு.

அவருடைய Body Language, பேசுற விதம், நடக்கிற விதம், முகபாவனைகள் என எல்லாத்துலயும் Inbaraj கதாபாத்திரம் நல்லா வெளிப்படுது. குறிப்பா அந்த Character-ஓட வித்தியாசமான குணத்தை அவர் வெளிப்படுத்தியிருக்கும் விதம் ரொம்பவே நல்லா இருக்கு.

அதுமட்டுமில்லாமல், தன்னுடைய Star Image-ஐயே காமெடிக்காகப் பயன்படுத்தியிருக்காரு. ஒரு காட்சியில Suriya-வைப் பற்றியே அவருடைய கதாபாத்திரம் கிண்டல் பண்ற மாதிரி வர்றது ரசிகர்களுக்கு நல்ல Surprise. Singam படத்துல வந்த Famous Punch Dialogue-ஐக் கூட இங்க வித்தியாசமா பயன்படுத்தியிருக்காங்க.

Naslen-ம் இந்தப் படத்துல ரொம்ப நல்லா நடித்திருக்காரு. Premalu படத்துல பார்த்த அவருடைய Image-ல இருந்து முற்றிலும் மாறுபட்ட கதாபாத்திரம் இது. ஒரு Serial Killer-ஆ அவருடைய நடிப்பும், Screen Presence-ம் நல்லா இருக்கு. குறிப்பா Suriya மற்றும் Naslen இருவரும் நேருக்கு நேர் சந்திக்கிற காட்சிகள் ரொம்ப சுவாரஸ்யமா அமைஞ்சிருக்கு.

Cinematography-யைப் பொறுத்தவரைக்கும் Vineeth Augustian-ஓட Camera Work படத்துக்கு ஒரு Stylish Look கொடுத்திருக்கு. ஒவ்வொரு காட்சியையும் வித்தியாசமான Angle-ல படமாக்கியிருக்காங்க. Editing-ஐப் பொறுத்தவரைக்கும் Ajmal Sabu ரொம்பவே சிறப்பா வேலை பார்த்திருக்காரு. கதை நிறைய விஷயங்களைச் சொன்னாலும், காட்சிகள் ஒன்றோட ஒன்று Smooth-ஆ Connect ஆகுது. 149 நிமிஷம் ஓடுற படம் பார்க்கும்போது நேரம் போறதே தெரியாத அளவுக்கு Screenplay சுவாரஸ்யமா இருக்கு.

படத்துல Songs கிடையாது. அதனால கதையோட Flow தொடர்ந்து போய்க்கிட்டே இருக்கு. Background Music-ம் காட்சிகளுக்கு ஏற்ற மாதிரி அமைஞ்சிருக்கு.

இன்னொரு சுவாரஸ்யமான விஷயம் என்னன்னா, இந்தப் படம் AI Technology-யையும் ஒரு நல்ல நோக்கத்துக்காக எப்படிப் பயன்படுத்தலாம்னு ஒரு சின்ன விஷயத்தை அழகா சொல்லியிருக்கு.

மொத்தத்துல Scene ஒரு வித்தியாசமான Crime Thriller with Dark Comedy. Suriya-வோட புதுமையான நடிப்பு, Naslen-ஓட வித்தியாசமான கதாபாத்திரம், Nazriya-வோட Performance, Jithu Madhavan-ஓட Screenplay, அதுக்குள்ள வர்ற Unexpected Twists மற்றும் Situational Comedy எனப் படம் முழுக்க ரசிக்க நிறைய விஷயங்கள் இருக்கு.

குறிப்பா Suriya-வை வழக்கமான Mass Hero-வா பார்க்காமல், ஒரு வித்தியாசமான Character-ல பார்க்கணும்னு நினைக்கிறவங்களுக்கு இந்தப் படம் நல்ல அனுபவமா இருக்கும். Crime Thriller பிடிக்கிறவங்களும், Dark Comedy ரசிக்கிறவங்களும் இந்தப் படத்தை நிச்சயம் Try பண்ணலாம்.

இந்த தீபாவளிக்கு Suriya ரசிகர்களுக்கு மட்டும் இல்லாமல், வித்தியாசமான கதைகளை விரும்புற ரசிகர்களுக்கும் ஒரு நல்ல Treat-ஆ இந்த Scene அமைஞ்சிருக்கு!

படத்தைப் பார்த்துட்டு உங்களுக்கு எப்படி இருந்துச்சுன்னு Comment-ல சொல்லுங்க. நம்ம Channel-ஐ Subscribe பண்ணுங்க. அடுத்த Review-ல சந்திக்கலாம். Bye மக்களே!

திரு. செந்தமிழன் சீமான் அவர்கள், தலைமை ஒருங்கிணைப்பாளர், நாம் தமிழர் கட்சி.

திரு. செந்தமிழன் சீமான் அவர்கள்,

தலைமை ஒருங்கிணைப்பாளர்,

நாம் தமிழர் கட்சி.

மதிப்பிற்குரிய திரு. சீமான் அவர்களுக்கு,

பொருள்: புதிய திரைப்படங்களின் முதல் வாரத்தில் அதிகாலை 6 மணி காட்சிகளுக்கு அனுமதி வழங்கியது குறித்த தங்களின் கடிதம் தொடர்பாக.

புதிய திரைப்படங்கள் வெளியாகும் முதல் வாரத்தில், அதிகாலை 6 மணி முதல் ஒரு வாரத்திற்கு 6 காட்சிகள் திரையிட்டுக் கொள்ளலாம் என்று மிகுந்த அக்கறையுடன், தமிழ்த் திரையுலகிற்கு ஆதரவளித்து அனுமதி வழங்கிய மாண்புமிகு தமிழ்நாடு முதலமைச்சர் திரு. ச. ஜோசப் விஜய் அவர்களின் இந்தச் செயல்பாடு குறித்து, தாங்கள் 2026 நவம்பர் 4-ஆம் தேதியிட்ட கடிதத்தைக் கண்டு மிகுந்த மனவேதனை அடைந்து இக்கடிதத்தை அனுப்புகிறோம்.

மிகுந்த எதிர்பார்ப்புக்குரிய, பிரபல நடிகர்கள் நடித்த தமிழ்த் திரைப்படங்கள், வெளிமாநிலங்களான கேரளா, கர்நாடகா, ஆந்திரா/தெலங்கானா மற்றும் வெளிநாடுகளில், அதிகாலை 6 மணிக்கே வெளியாகிவிடுகின்றன. ஆனால், தமிழ்நாட்டில் அத்திரைப்படங்கள் காலை 9 மணிக்குத்தான் திரையிடத் தொடங்குகின்றன. அதற்குள் தவறான விமர்சனங்களும், படத்தைக் குறித்த எதிர்மறையான கருத்துகளும் திட்டமிட்டு உருவாக்கப்பட்டு, இங்கு திரைப்படம் பார்க்கக் காத்திருக்கும் ரசிகர்களின் ஆர்வத்தைக் குறைக்கும் வகையில் கடந்த மூன்று ஆண்டுகளாகப் பல்வேறு பிரச்சினைகளைத் தமிழ்த் திரையுலகம் சந்தித்து வருகிறது.

இதற்குத் தீர்வாக, உலகெங்கும் தமிழ்த் திரைப்படங்கள் ஒரே நேரத்தில் வெளியாக வேண்டும் என்ற எங்களது கோரிக்கையை மாண்புமிகு முதலமைச்சர் அவர்களிடம், மாண்புமிகு தகவல் மற்றும் விளம்பரத் துறை அமைச்சர், திரு. A. ராஜ்மோகன் அவர்கள் மூலமாக எடுத்துச் சென்றோம். எங்களது கோரிக்கையை கனிவுடன் பரிசீலித்து உடனடியாக அனுமதி வழங்கிய மாண்புமிகு முதலமைச்சர் அவர்களை ஒட்டுமொத்தத் தமிழ்த் திரையுலகமே பாராட்டி வருகிறது.

ஆனால், இந்த அனுமதி வழங்கப்பட்டதற்கான உண்மையான காரணத்தைத் தவறாகப் புரிந்துகொண்டு, இத்தகைய அனுமதி ஒட்டுமொத்த மக்களையும் பாதிக்கும் ஒரு செயலாகும் என்று குறிப்பிட்டு, தமிழ்நாடு அரசைக் குறை கூறி தாங்கள் கடிதம் வெளியிட்டிருப்பது எங்களுக்கு மிகுந்த வருத்தத்தை அளித்துள்ளது. அதிலும், தமிழ்த் திரையுலகின் முக்கிய இயக்குநர்களில் ஒருவராகவும், தற்போது பல திரைப்படங்களில் சிறப்பான கதாபாத்திரங்களில் நடித்து வரும் நடிகராகவும் திகழும் தாங்கள், எதற்காக இந்த அனுமதியை நாங்கள் கோரிப் பெற்றோம் என்பதை அறியாமல் இத்தகைய அறிக்கையை வெளியிட்டிருப்பது எங்களுக்கு வருத்தமளிக்கிறது.

எங்களது நியாயமான கோரிக்கையைத்தான் மாண்புமிகு முதலமைச்சர் அவர்கள் ஏற்றுக்கொண்டு இந்த அனுமதியை வழங்கியுள்ளார் என்பதை மீண்டும் ஒருமுறை தங்களது கவனத்திற்குக் கொண்டு வருகிறோம்.

தமிழ்த் திரையுலகின் ஒரு முக்கிய அங்கமாகத் திகழும் தாங்களும், தமிழ்த் திரையுலகின் நலன் கருதி வழங்கப்பட்டுள்ள இந்த அனுமதியை வரவேற்க வேண்டும் என்று அன்புடன் கேட்டுக்கொள்கிறோம்.

நன்றியுடன்,

தமிழ்த் திரைப்பட நடப்பு தயாரிப்பாளர்கள் சங்கம் சார்பாக,

T. சிவா     

பொதுச் செயலாளர்     

G. தனஞ்ஜெயன்

பொருளாளர்

மைத்ரி மூவி மேக்கர்ஸ், ஜி ஸ்குவாட் இணைந்து வழங்கும், இயக்குநர் விஷால் வெங்கட் இயக்கத்தில் ரெஜினா கசாண்ட்ரா, நாசர் நடிக்கும் புதிய திரைப்படத்தின் படப்பிடிப்பு நிறைவு!*

 *மைத்ரி மூவி மேக்கர்ஸ், ஜி ஸ்குவாட் இணைந்து வழங்கும், இயக்குநர் விஷால் வெங்கட் இயக்கத்தில் ரெஜினா கசாண்ட்ரா, நாசர் நடிக்கும் புதிய திரைப்படத்தின் படப்பிடிப்பு நிறைவு!*

தமிழ் சினிமாவில் தனித்துவமான கதைகளைத் தேர்ந்தெடுத்து தயாரித்து தொடர்ந்து வெற்றிப் படங்களை கொடுத்து வருகிறது மைத்ரி மூவி மேக்கர்ஸ் நிறுவனம். தற்போது ஜி ஸ்குவாட் நிறுவனத்துடன் இணைந்து தயாரிக்கும் தனது அடுத்த திரைப்படத்தின் படப்பிடிப்பையும் நிறைவு செய்துள்ளது. படப்பிடிப்பு நிறைவடைந்ததற்கான அதிகாரப்பூர்வ அறிவிப்பு வீடியோவை படக்குழு வெளியிட்டுள்ளது. இந்த வீடியோ திரையுலக ரசிகர்கள் மற்றும் வர்த்தக வட்டாரத்தினர் மத்தியில் படம் குறித்தான எதிர்பார்பை அதிகரித்துள்ளது. 

இயக்குநர் விஷால் வெங்கட், அர்ஜுன் தாஸ் நடிப்பில் வெளியான 'பாம்' திரைப்படத்தின் மூலம் இயக்குநராக அறிமுகமானார். தொடர்ந்து விமர்சன ரீதியாகவும், வசூல் ரீதியாகவும் பாராட்டுகளைப் பெற்ற 'சில நேரங்களில் சில மனிதர்கள்' திரைப்படத்தையும், 'ஒரு கோடை மர்டர் மிஸ்டரி' இணையத் தொடரையும் இயக்கியுள்ளார்.

புதிய படம் குறித்து இயக்குநர் விஷால் வெங்கட் கூறுகையில், “மைத்ரி மூவி மேக்கர்ஸ் மற்றும் இந்தியாவின் சிறந்த இயக்குநர்களில் ஒருவரான லோகேஷ் கனகராஜ் ஆகியோருடன் பணியாற்றியது எனக்குப் பெருமையான அனுபவம். ரெஜினா கசாண்ட்ராவுடன் இணைந்து பணியாற்றியது மகிழ்ச்சியாக இருந்தது. அவரது அர்ப்பணிப்பு எனக்கு முழுப் படப்பிடிப்பிலும் ஊக்கமளித்தது. நாசர் தனது கதாபாத்திரத்திற்கு உயிரூட்டியுள்ளார். ரமேஷ் திலக், ஸ்ரீஜா ரவி மற்றும் மற்ற கலைஞர்கள் அனைவரும் சிறப்பாக நடித்துள்ளனர். படத்தைப் பற்றிய அடுத்தடுத்த அறிவிப்புகள் விரைவில் வெளியாகும்” என்றார்.

ஜி ஸ்குவாட் நிறுவனத்தின் தயாரிப்பாளரும் இயக்குநருமான லோகேஷ் கனகராஜ் பகிர்ந்து கொண்டதாவது, “விஷால் வெங்கட் மிகச்சிறந்த இயக்குநர். அவரது ஐடியா எப்போதும் எனக்கு இன்ஸ்பிரேஷன். கதை விவாதம் தொடங்கி தயாரிப்பு மற்றும் தற்போது இறுதிக்கட்டப் பணிகள் வரை அவருடன் இணைந்து பணியாற்றிய ஒவ்வொரு தருணத்தையும் ரசித்தேன். மைத்ரி மூவி மேக்கர்ஸ் நிறுவனத்துடன் இணைந்து பணியாற்றியது மகிழ்ச்சியான அனுபவம். நாங்கள் அனைவரும் இணைந்து ரசிகர்களுக்கு முழுமையான திரையரங்க அனுபவத்தை வழங்க ஆவலுடன் காத்திருக்கிறோம்” என்றார்.

மைத்ரி மூவி மேக்கர்ஸ் நிறுவனத்தின் தயாரிப்பாளர்களான நவீன் யெர்னேனி மற்றும் ஒய். ரவி சங்கர் பகிர்ணந்து கொண்டதாவது, “தமிழ் சினிமாவில் எங்களது பயணம் மிகச் சிறப்பானதாக அமைந்துள்ளது. ஒவ்வொரு திரைப்படமும் இந்தத் துறையின் நம்பிக்கைக்குரிய திறமையாளர்களுடன் இணைந்து பணியாற்றுவதற்கான புதிய வாய்ப்பை வழங்குகிறது. 

முன்தயாரிப்புப் பணிகளின்போது சொன்னபடியே இயக்குநர் விஷால் வெங்கட் குறித்த நேரத்தில் படப்பிடிப்பை நிறைவு செய்திருப்பது எங்களுக்கு மிகுந்த மகிழ்ச்சியளிக்கிறது. இப்படம் குறித்த கூடுதல் தகவல்களை விரைவில் பகிர்ந்து கொள்வோம். மைத்ரி மூவி மேக்கர்ஸ் நிறுவனத்தின் பயணத்தில் இப்படமும் மற்றுமொரு பெருமைமிக்க படைப்பாக அமையும் என்ற நம்பிக்கை எங்களுக்கு உள்ளது” என்றனர்.

*தொழில்நுட்பக்குழு விவரம்:*

கதை: ஹரிஹரன் ராஜு,

இசையமைப்பாளர்: ஹேஷம் அப்துல் வஹாப்,

ஒளிப்பதிவு: செல்வகுமார் எஸ்.கே.,

படத்தொகுப்பு: பிரசன்னா ஜி.கே.,

கலை இயக்கம்: மனோஜ் குமார் கே.,

வசனங்கள்: ஆஷாமீரா ஐயப்பன்,

தலைமைச் செயல் தயாரிப்பாளர்கள்: ஏ. ஜெய் சம்பத், தினேஷ் நரசிம்மன்,

இணைத் தயாரிப்பாளர்: பிரதீப் பூபதி,

ஆடை வடிவமைப்பு: ஜீவா காருண்யா,

விளம்பர வடிவமைப்பு: வியாகி